ବିପଦର ଘଣ୍ଟି: ମହାବାତ୍ୟା ‘ଆମ୍ଫାନ୍’ ପରେ ପୁଣି ଜୁନ 3ରେ ବିନାଶ ରଚିବ ଆଉ ଏକ ବାତ୍ୟା ‘ନିସର୍ଗ’
ଆରବ ସମୁଦ୍ର ଉପରେ ଧୀରେ ଧୀରେ ଆକାର ନେଉଥିବା ଏକ ନିମ୍ନ ଚାପର କ୍ଷେତ୍ର ଆସନ୍ତା 48 ଘଣ୍ଟା ମଧ୍ୟରେ ଘୂର୍ଣ୍ଣିବଳୟରେ ସୃଷ୍ଟି ହେବାରେ ଲାଗିଛି । ଯାହା 3 ତାରିଖ ସୁଦ୍ଧା ବାତ୍ୟାର ରୂପ ନେବ ବୋଲି ଜାତୀୟ ପାଣିପାଗ ବିଭାଗ ସୂଚନା ଦେଇଛି । ଯାହାର ନାମ ‘ନିସର୍ଗ’ ବୋଲି ପାଣିପାଗ ସୂତ୍ରରୁ ଜଣାପଡିଛି ।
ଏହି ବାତ୍ୟା ଜୁନ୍ 3 ରେ ମହାରାଷ୍ଟ୍ର ଏବଂ ଗୁଜୁରାଟ ଉପକୂଳରେ ପହଞ୍ଚିବ ବୋଲି ପାଣିପାଗ ବିଭାଗ ସୂଚନା ଦେଇଛି । ପଶ୍ଚିମବଙ୍ଗରେ ମହାବାତ୍ୟା ‘ଆମ୍ଫାନ୍’ ବିନାଶର ଚିତ୍ର ଛାଡି ଯିବାର କିଛି ଦିନ ପରେ ଏହି ଚେତାବନୀ ଦିଆଯାଇଛି ।
ଇତିମଧ୍ୟରେ ଆଇଏମଡି ଟୁଇଟ୍ କରି ଜଣାଇଛି ଯେ, ଆରବ ସାଗର ଉପରେ ନିମ୍ନ-ଚାପ ଅଞ୍ଚଳ ଆସନ୍ତା 48 ଘଣ୍ଟା ମଧ୍ୟରେ ସାଇକ୍ଲୋନିକ୍ ଷ୍ଟର୍ମ ରୂପ ନେବ । ଏହା ଉତ୍ତର ମହାରାଷ୍ଟ୍ର ଏବଂ ଦକ୍ଷିଣ ଗୁଜୁରାଟ ଉପକୂଳରେ 3 ଜୁନ୍ ସକାଳେ ପହଞ୍ଚିବ ।
(1) Well Marked Low pressure area over Southeast and adjoining Eastcentral Arabian Sea & Lakshadweep area: Pre-Cyclone Watch for south Gujarat-north Maharashtra coasts
(2) Depression over south coastal Oman & adjoining Yemen pic.twitter.com/NPqKdTo5AZ
— India Met. Dept. (@Indiametdept) May 31, 2020
ପବନର ବେଗ ବଢିବା ସାଙ୍ଗକୁ ଏହାର ବେଗ 45-55 କିଲୋମିଟର ଘଣ୍ଟା ପ୍ରତି ରହିବ ଯାହା ପରବର୍ତୀ ସମୟରେ 65 କିଲୋମିଟର ଘଣ୍ଟା ପ୍ରତି ବେଗରେ ଗତି କରିବ । ଆସ୍ତେ ଆସ୍ତେ ପୂର୍ବ-କେନ୍ଦ୍ରୀୟ ଆରବ ସାଗରରେ ଏବଂ କର୍ଣ୍ଣାଟକ-ଦକ୍ଷିଣ ମହାରାଷ୍ଟ୍ର ଉପକୂଳରେ ଜୁନ 2 ସକାଳୁ ପବନର ବେଗ 65-75 କିଲୋମିଟର ଘଣ୍ଟା ପ୍ରତି ରହିବ ଯାହା ବୃଦ୍ଧି ହୋଇ 85 ଘଣ୍ଟା ପ୍ରତି କିଲୋମିଟରରେ ପହଂଚିବ । ଧୀରେ ଧୀରେ ବାତ୍ୟାର ବେଗ ବଢୁଥିବା ସୂଚନା ମିଳିଛି ।
ସେପଟେ ମୁମ୍ବାଇର ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବରୁ ଟୁଇଟ୍ କରି କହିଛି ଯେ, ଦକ୍ଷିଣ-ପୂର୍ବ ତଥା ଏହାର ପୂର୍ବ ଆରବ ସମୁଦ୍ର ଏବଂ ଲକ୍ଷ୍ମଦ୍ୱୀପ ଅଞ୍ଚଳରେ ଏକ ନିମ୍ନ-ଚାପ ଅଞ୍ଚଳ ସୃଷ୍ଟି ହୋଇଛି ।
ଏହି ଘୂର୍ଣ୍ଣିବଳୟ ବାତ୍ୟାର ରୂପ ନେଉଥିବାରୁ ଦେଶର ଅନେକ ସ୍ଥାନରେ ବର୍ଷା ହେବାର ସମ୍ଭାବନା ରହିଛି ବୋଲି ଏଜେନ୍ସି କହିଛି ।
ଏହି ଘୂର୍ଣ୍ଣିବଳୟ ପ୍ରଭାବରେ, ଜୁନ୍ 1 (ଆଜି) ଲକ୍ଷ୍ମୀଦୀପ ଅଞ୍ଚଳ, କେରଳ ଏବଂ ଉପକୂଳ କର୍ଣ୍ଣାଟକ ଉପରେ ଅଧିକାଂଶ ସ୍ଥାନରେ ହାଲୁକାରୁ ମଧ୍ୟମ ବର୍ଷା ହେବାର ସମ୍ଭାବନା ରହିଛି ।
3 ଜୁନ୍ ରେ ଦକ୍ଷିଣ ଗୁଜୁରାଟ, ଦାମନ, ଡିୟୁ, ଦାଦ୍ରା ଏବଂ ନାଗର ହାଭେଲି ଉପରେ ପ୍ରବଳରୁ ଅତି ପ୍ରବଳ ବେଗରେ ପବନ ବହିବା ସହ ବର୍ଷା ମଧ୍ୟ ହେବାର ସମ୍ଭାବନା ରହିଛି ।
ଗୁଜୁରାଟ, ମହାରାଷ୍ଟ୍ର, ଗୋଆ, କର୍ଣ୍ଣାଟକ, କେରଳ ଏବଂ ଲକ୍ଷ୍ମୀଦ୍ୱୀପ ଉପକୂଳବର୍ତ୍ତୀ ଅଞ୍ଚଳରେ ସମୁଦ୍ର କୂଳରେ ଚାରି ମିଟର ପର୍ଯ୍ୟନ୍ତ ଉଚ୍ଚ ଢେଉ ଆସିବ ବୋଲି ଆଇଏମଡି ଚେତାବନୀ ଦେଇଛି । ଏହି ସମୟରେ ଧୀବରଙ୍କୁ ସମୁଦ୍ର ଭିତରକୁ ମାଛ ଧରି ଯିବାକୁ ବାରଣ କରିଛି ପାଣିପାଗ ବିଭାଗ ।