ଫ୍ରି ଭାକସିନକୁ ନେଇ ଆମ୍ରି ହସ୍ପିଟାଲରେ ଉତ୍ତେଜନା, ଟିକା ନେବା ପାଇଁ ଆସିଥିବା ମହିଳାଙ୍କୁ ନାଲି ଆଖି ଦେଖାଇଲେ କର୍ମଚାରୀ
ରାଜ୍ୟ ତଥା କେନ୍ଦ୍ର ସରକାରଙ୍କ ପକ୍ଷରୁ ସମସ୍ତ ନାଗରିକଙ୍କୁ ମାଗଣାରେ ଟିକା ଦେବା ନେଇ ଘୋଷଣା କରିବା ପରେ ଜନସାଧାରଣଙ୍କୁ ମାଗଣାରେ ଟିକା ଦିଆଯାଉଛି । ତେବେ ଏହାକୁ ନେଇ ଆଜି ଭୁବନେଶ୍ୱର ସ୍ଥିତ ଆମ୍ରି ହସ୍ପିଟାଲରେ ଉତ୍ତେଜନା ଦେଖାଦେଇଛି । ସୂଚନା କ୍ରମେ, ଆମ୍ରି ହସ୍ପିଟାଲରେ ଫ୍ରି ଭାକସିନରେ ନିୟମ ଆଧାରରେ ଜଣେ ମହିଳା ଭାକସିନ ପାଇଁ ରେଜିଷ୍ଟ୍ରସନ କରିଥିଲେ । ମହିଳା ଜଣକ ରେଜିଷ୍ଟ୍ରେସନ କରିବା ବେଳେ ମାଗଣା ଟିକା ଦେବା ନେଇ ସୁବିଧା ରହିଥିଲା । ହେଲେ ହସ୍ପିଟାଲରେ ଟିକା ନେବା ପାଇଁ ପହଞ୍ଚିଲା ବେଳକୁ କିଛି ଅଲଗା ଦୃଶ୍ୟ ଦେଖିବାକୁ ମିଳିଥିଲା । ଯେତେବେଳେ ଉକ୍ତ ମହିଳା ଜଣକ ଟିକା ନେଇ ହସ୍ପିଟାଲକୁ ଯାଇଥିଲେ ତାଙ୍କୁ ସେଠାରେ ଟଙ୍କା ମଗାଯାଇଥିଲା । ହସ୍ପିଟାଲ କର୍ମଚାରୀ ମାନେ ମାଗଣା ଟିକା ଦେବା ନେଇ ନିୟମ ଥିଲେ ସୁଦ୍ଧା ତାଙ୍କୁ ଟଙ୍କା ମାଗିଥିଲେ ।