ପୁରୀ ରଥ ଯାତ୍ରା COVID କଟକଣା ସହିତ ଭଲସେ ପାଳନ କରିବାକୁ ନବୀନ ପଟ୍ଟନାୟକ ନିବେଦନ

ଗତ ବର୍ଷ ଭଳି ଏଥର ମଧ୍ୟ ବିଶ୍ୱ ପ୍ରସିଦ୍ଧ ମହାପ୍ରଭୂଙ୍କ ରଥଯାତ୍ରା ଏକ ଅସାଧାରଣ ପରିସ୍ଥିତିରେ ଅନୁଷ୍ଠିତ ହେବ | ଟେଲିଭିଜନ ଏବଂ ସୋସିଆଲ ମିଡିଆରେ ‘କାଳିଆ ଠାକୁର’ (ପ୍ରଭୁ ଜଗନ୍ନାଥ) ଙ୍କୁ ସାରା ବିଶ୍ୱ ଦେଖିପାରିବ | ତେଣୁ ପ୍ରଭୁଙ୍କ ରୀତିନୀତି ଠିକ୍ ସମୟରେ କରାଯିବା ଉଚିତ ଏବଂ ଏଥିସହ COVID ନିୟମକୁ ସଠିକ୍ ଭାବରେ ପାଳନ କରାଯିବା କୁ ମୁଖ୍ୟମନ୍ତ୍ରୀ ଆବେଦନ କରିଛନ୍ତି। ପୁରୀ ସହରର ଲୋକମାନେ ଗତ ବର୍ଷ ଭଳି ହୃଦୟ ସହିତ ସହଯୋଗ କରିବେ ବୋଲି ନିବେଦନ କରିଛନ୍ତି |ମୁଖ୍ୟମନ୍ତ୍ରୀ କହିଛନ୍ତି ଯେ ଯଦିଓ COVID-19 ମହାମାରୀର ଦ୍ୱିତୀୟ ତରଙ୍ଗ ଯଥେଷ୍ଟ ହ୍ରାସ ପାଇଛି, ତଥାପି ବିପଦ ଏପର୍ଯ୍ୟନ୍ତ ଶେଷ ହୋଇନାହିଁ |COVID-19 କଟକଣା ଗୁଡିକର କଡାକଡି ପାଳନ ମଧ୍ୟରେ ଜୁଲାଇ 12 (ସୋମବାର) ରେ ପ୍ରଭୁ ଜଗନ୍ନାଥଙ୍କ ରଥଯାତ୍ରା ସୁଗମ ଓ ଆଡମ୍ବର ରେ ପାଳନ କରିବା ପାଇଁ ଭକ୍ତଙ୍କ ସମେତ ସମସ୍ତ ଓଡିଶା ବାସିଙ୍କ ସହଯୋଗ ଓ ପ୍ରଭୁଙ୍କ ଆଶୀର୍ବାଦ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋଡିଛନ୍ତି।

କାଲି (ରବିବାର) ଠାରୁ ବଡ ଦଣ୍ଡ ରେ କର୍ଫ୍ୟୁ ଲାଗୁ କରାଯିବ | ଯାହା ପାଇଁ ଲୋକମାନେ ଯେପରି ରଥ ନିକଟରେ ଏକାଠି ନ ହୁଅନ୍ତି। ଯେଉଁ ସେବାୟତ ମାନେ COVID ନେଗେଟିଭ ବା ଦୁଇଟି ଯାକ ଟୀକା ନେଇ ସାରି ଛନ୍ତି, କେବଳ ସେମାନେ ରଥ ଟାଣିବାକୁ ଅନୁମତି ପାଇବେ | ଅଧିକାରୀମାନେ ଡ୍ୟୁଟିରେ ଯୋଗଦେବା ପୂର୍ବରୁ COVID-19 ସାର୍ଟିଫିକେଟ୍ ଜମା କରିବାକୁ ପଡିବ ବୋଲି ପୁରୀ କଲେକ୍ଟର ସମରଥ ଭର୍ମା କହିଛନ୍ତି। ରଥଯାତ୍ରା ସମୟରେ ସ୍ୱାସ୍ଥ୍ୟସେବା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଏନ.କେ ଦାଶ କହିଛନ୍ତି | ସେବାୟତ ତଥା ସମ୍ପୃକ୍ତ ଅଧିକାରୀଙ୍କ ପାଇଁ ଆଣ୍ଟିଜେନ ଏବଂ RT-PCR ପରୀକ୍ଷା, ଟୀକାକରଣ ବ୍ୟବସ୍ଥା, ଦ୍ରୁତ ସହାୟତା କେନ୍ଦ୍ର, ଆମ୍ବୁଲାନ୍ସ, ଚିକିତ୍ସା ସହାୟତା ପୋଷ୍ଟ ପାଇଁ ସମସ୍ତ ସ୍ୱତନ୍ତ୍ର ବ୍ୟବସ୍ଥା ପୁରୀ ଜିଲ୍ଲା ମୁଖ୍ୟ ଡାକ୍ତରଖାନାରେ କରାଯାଇଛି ବୋଲି ସେ କହିଛନ୍ତି। ଗତ ବର୍ଷ ଭଳି ଏ ବର୍ଷ ମଧ୍ୟ୍ୟ ସୁରୁଖୁରୁରେ ରଥଯାତ୍ରା ଶେଷ ହେବ ବୋଲି ଆଇନ ମନ୍ତ୍ରୀ ପ୍ରତାପ ଜେନା କହିଛନ୍ତି | ସମସ୍ତ ସୁରକ୍ଷା ବ୍ୟବସ୍ଥା ପୋଲିସ ପ୍ରଶାସନ ଗ୍ରହଣ କରିବା ବୋଲି ଡିଜିପି ଅଭୟ କହିଛନ୍ତି |

ପ୍ରଭୁ ଜଗନ୍ନାଥଙ୍କ 3000 ସେବାୟତ, 3000 ପୋଲିସ୍ କର୍ମଚାରୀ, ରଥ ନିର୍ମାଣ କାର୍ଯ୍ୟରେ ନିୟୋଜିତ 1000 ସେବାୟତ ଏବଂ ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ (SJTA) କର୍ମଚାରୀଙ୍କ ସମେତ ପ୍ରାୟ 8,000 ଲୋକ ସୋମବାର ପୂର୍ବରୁ ଦ୍ୱିତୀୟ ଥର ପାଇଁ COVID ଟେଷ୍ଟ ପରୀକ୍ଷା କରିବେ | ଏହା ବ୍ୟତୀତ ପ୍ରାୟ 1000 ଗଣମାଧ୍ୟମ ବ୍ୟକ୍ତି ଏବଂ ଅନ୍ୟାନ୍ୟ ସରକାରୀ କର୍ମଚାରୀଙ୍କ COVID-19 ପରୀକ୍ଷା ପାଇଁ ଏକ ସ୍ୱତନ୍ତ୍ର ପରୀକ୍ଷା ଶିବିର ମଧ୍ୟ ଆୟୋଜିତ କରାଯାଇଛି | ପ୍ରଭୁଙ୍କ ନଅ ଦିନିଆ ପର୍ବରେ ଅଂଶଗ୍ରହଣ କରୁଥିବା ସମସ୍ତ ଲୋକମାନେ ଚାରିଥର COVID ପରୀକ୍ଷା କରିବେ ବୋଲି ନିଅମ କରାଯାଇଛି | ବଡ ଦାଣ୍ଡ ରଥ ଯାତ୍ରା ସମୟରେ ଜରୁରୀକାଳୀନ ସେବା ପାଇଁ ସବୁଜ ଜୋନରେ ପରିଣତ ହେବ ବୋଲି ପୁରୀ ଏସପି କେ ଭି ସିଂ କହିଛନ୍ତି। ଆମ୍ବୁଲାନ୍ସ ଏବଂ ଅଗ୍ନି ନିର୍ବାପକ ଯାନ ସବୁଜ ଜୋନରେ କାର୍ଯ୍ୟରତ ରହିବେ | ପୁରୀ ସହରର ସୁରକ୍ଷାକୁ କଡାକଡି କରାଯିବ ବୋଲି ଏସପି କହିଛନ୍ତି।

ପୂର୍ବ ବର୍ଷ ଭଳି ଏ ବର୍ଷ ମଧ୍ୟ୍ୟ ରଥ ଯାତ୍ରା ସୁରୁଖୁରୁରେ ଶେଷ ହେବ ବୋଲି ଭଗବାନ ମହାପ୍ରଭୁ ଙ୍କ ନିକଟରେ ନିବେଦନ | ଏ କରୋନା ମହାମାରୀ ରୁ ମହାପ୍ରଭୁ ସାରା ବିଶ୍ୱ କୁ ଉଦ୍ଧାର କରନ୍ତୁ |