ମହିଳା ଓ ଶିଶୁ ଅପରାଧ ବିଭାଗ ଦ୍ଵାରା ୬ଶିଶୁ ଉଦ୍ଧାର

ଓଡ଼ିଆ ନ୍ୟୁଜ,(ବ୍ୟୁରୋ): ରାଜ୍ୟ ମହିଳା ଓ ଶିଶୁ ଅପରାଧ ବିଭାଗ ଦ୍ଵାରା ନିଖୋଜ ଥିବା ୬ଜଣ ଶିଶୁଙ୍କୁ ପଶ୍ଚିମବଙ୍ଗରୁ ଉଦ୍ଧାର କରାଯାଇଥିବା ଜଣା ଯାଇଛି। ସେମାନଙ୍କ ମଧ୍ୟରେ ୨ଜଣ ବାଳିକା ଓ ୪ଜଣ ବାଳକ ଥିବା ସୂଚନା।

ନିଖୋଜ ଥିବା ଏହି ଶିଶୁ ମାନେ ପଶ୍ଚିମବଙ୍ଗ ରେ ଥିବା ବିଭିନ୍ନ ଆଶ୍ରୟସ୍ଥଳରୁ ଏମାନଙ୍କୁ ଉଦ୍ଧାର କରିଛି ସମ୍ପୃକ୍ତ ବିଭାଗ। ଡିଏସପି ଶରତ ଚନ୍ଦ୍ର ପାତ୍ରଙ୍କ ନେତୃତ୍ୱରେ ଦୁଇଜଣ ମହିଳା ଓ ଅନ୍ୟ ଅଧିକାରୀ ମାନଙ୍କୁ ନେଇ ଏକ ଟିମ୍ ଏ ଦିଗରେ କାର୍ଯ୍ୟ କରି ୬ଜଣ ଶିଶୁଙ୍କୁ ଉଦ୍ଧାର କରିଛି।

ଏମାନଙ୍କ ମଧ୍ୟରେ କେନ୍ଦୁଝର ଜିଲ୍ଲାରୁ ୩ବାଳକ ସହ ଜଣେ ବାଳିକା,ମୟୁରଭଞରୁ ଜଣେ ବାଳକ,ବାଲେଶ୍ୱରରୁ ଜଣେ ବାଳିକା ଉଦ୍ଧାର ହୋଇଥିବା ସୂଚନା।ଜିଲ୍ଲା ଶିଶୁ ମଙ୍ଗଳ କମିଟି ମାଧ୍ୟମରେ ସେମାନଙ୍କ ପିତାମାତାଙ୍କୁ ପିଲାମାନଙ୍କୁ ହସ୍ତାନ୍ତର କରାଯିବ ବୋଲି ଜଣାଯାଇଛି।