ଓଡିଆ ପୁଅଙ୍କୁ ବଡ ଦାୟିତ୍ୱ
ଓଡ଼ିଆ ନ୍ୟୁଜ,(ବ୍ୟୁରୋ): ଓଡିଆ ପୁଅଙ୍କୁ ବଡ ଦାୟିତ୍ୱ । ଭାରତୀୟ କ୍ରିକେଟ୍ ଟିମର ମ୍ୟାନେଜର ପଦ ପାଇଁ ମନୋନୀତ ହୋଇଛନ୍ତି ମାଲକାନଗିରିର ପୁଅ ସତବୀର ସିଂ ରିୟର ।
ଆସନ୍ତା ସାଉଥ ଆଫ୍ରିକା ଟେଷ୍ଟ ସିରିଜ୍ ପାଇଁ ସତବୀରଙ୍କୁ ମନୋନୀତ କରାଯାଇଛି । ପୂର୍ବରୁ ଅନେକ ଟିମ୍ ପାଇଁ ମ୍ୟାନେଜର ଭାବେ ଦାୟିତ୍ୱ ତୁଲାଇଛନ୍ତି ସତବୀର । ସୂଚନା ଅନୁସାରେ, ଆଗାମୀ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍ ପାଇଁ ସତବୀର ସିଂ ରିୟରଙ୍କୁ ମନୋନୀତ କରିଛି ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ। ପୂର୍ବରୁ ସତବୀର ଅନେକ ଥର ଟିମ୍ର ମ୍ୟାନେଜର ଭାବେ ଦାୟିତ୍ୱ ତୁଲାଇ ସାରିଛନ୍ତି ।
ଏପିରିକି ପୂର୍ବରୁ ୧୬ ବର୍ଷରୁ କମ୍, ୧୯ ବର୍ଷରୁ କମ୍ ଟିମ୍ ଏବଂ ରଣଜୀ ଟ୍ରଫି ଟିମ୍ର ମ୍ୟାନେଜର ପଦ ସମ୍ଭାଳି ସାରିଛନ୍ତି । ସତୀଶ ପେଶାରେ ଜଣେ ଫାର୍ମାସୀ ଅଫିସର । ଡ୍ୟୁଟି କରିବା ସହ ସତୀଶଙ୍କ କ୍ରିକେଟ୍ ପ୍ରତି ମଧ୍ୟ ଦୁର୍ବଳତା ରହିଛି। ଓଡିଶା କ୍ରିକେଟ୍ ଆସୋସିଏସନ ସହିତ ବି ଜଡିତ ଅଛନ୍ତି ସତବୀର ସିଂ ରିୟର ।ସେପଟେ ମାଲକାନଗିରିରେ ଖୁସିର ଲହରୀ ଖେଳିଯାଇଛି । ରଞ୍ଜୀବ ବିଶ୍ୱାଳଙ୍କ ପରେ ସତୀଶ ସିଂ ରିୟର ଆଉ ଜଣେ ଓଡିଆ ଏହି ଦାୟିତ୍ୱ ମିଳିଛି ।