ମହାକାଳପଡ଼ା ନିର୍ବାଚନରେ ପଦଯାତ୍ରା ଅନୁଷ୍ଠିତ

ଓଡ଼ିଆ ନ୍ୟୁଜ, ଭୁବନେଶ୍ୱର : ମହାକାଳପଡ଼ାରେ ମୋ ମାଟି ମୋ ଦେଶର ବିଶାଳ ପଦଯାତ୍ରା ଅନୁଷ୍ଠିତ ହୋଇଯାଇଛି । ତେବେ ସମଗ୍ର ବିଶ୍ୱରେ ଏକ ନମ୍ବର ଯସ୍ଵଶୀ ଆଦର୍ଶ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଆହ୍ବାନ କ୍ରମେ ଓ ଭାରତୀୟ ଓ ଭାରତୀୟ ଜନତା ପାର୍ଟି ଓଡ଼ିଶାର ସଭାପତି ଶ୍ରୀଯୁକ୍ତ ମନମୋହନ ସାମଲଙ୍କ ନିର୍ଦ୍ଦେଶକ୍ରମେ ମହାକାଳପଡ଼ା ନିର୍ବାଚନ ମଣ୍ଡଳୀର ଯୁବନେତା ଡ଼ ସୌଭାଗ୍ୟ ପରିଡ଼ା ଙ୍କ ନେତୃତ୍ୱରେ ରାଘବପୁର ପଞ୍ଚାୟତରେ “ମୋ ମାଟି ମୋ ଦେଶ” ଓ ବିଶାଳ ଜନ ସଂପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି ।

ଓଡ଼ିଶା ସରକାରଙ୍କ ଦ୍ୱାରା ଜନ ସାଧାରଣଙ୍କ ଉପରେ ହେଉଥିବା ଦୁର୍ନୀତି, ଅତ୍ୟାଚାର, ନାରୀ ନିର୍ଯାତନା, ବିଭିନ୍ନ ସରକାରୀ ଯୋଜନାକୁ ଲୁଣ୍ଠନ ଉପରେ ସମସ୍ତ ତଥ୍ୟ ଲୋକ ଲୋଚନକୁ ଆଣି ସଚେତନ କରାଇବା ମୂଳ ଲକ୍ଷ୍ୟ ଥିଲା ବୋଲି ଆଲୋଚନା ହୋଇଥିଲା । ରାଘବପୁର ପଞ୍ଚାୟତରେ ଗାଁ ଗାଁ ବୁଲି ବୁଲି ଜନ ସଚେତନ କରାଇବା ସହିତ କଳସ ଧରି ପଦଯାତ୍ରା କରିଥିଲେ ।

ଅଯୋଧ୍ୟାରେ ମୃତ୍ତିକା ପ୍ରତିଷ୍ଠା ପାଇଁ ଉକ୍ତ ପଦଯାତ୍ରାରେ ପଞ୍ଚାୟତର ମା ଭଉଣୀ ମାନେ ଡ଼ ସୌଭାଗ୍ୟ କୁମାର ପରିଡ଼ା ଙ୍କ କଳସରେ ଚଉଁରାରୁ ମାଟି ଆଣି ଦେଇଥିଲେ l ଏହା ସହ ଏହି କାର୍ଯ୍ୟକ୍ରମ ବହୁ ଜନସାଧାରଣ ଯୋଗ ଦେଇଥିଲେ ।