ଏକଲବ୍ଯ ମଡେଲ ଆବାସିକ ବିଦ୍ଯାଳୟ ଲୋକାର୍ପିତ

ଓଡ଼ିଆ ନ୍ୟୁଜ,(ବ୍ୟୁରୋ): ଏକଲବ୍ଯ ମଡେଲ ଆବାସିକ ବିଦ୍ଯାଳୟ ଲୋକାର୍ପିତ | ବାମନଘାଟୀ ଉପଖଣ୍ଡ ବିଜାତଳା ବ୍ଲକ ଖନ୍ତ ପଞ୍ଚାୟତର ଟିକରପଡା ଗ୍ରାମରେ ଏକଲବ୍ଯ ମଡେଲ ଆବାସିକ ବିଦ୍ଯାଳୟ ଲୋକାର୍ପିତ ହୋଇଯାଇଛି | ସଭା ପ୍ରାରମ୍ଭ ପୂର୍ବରୁ ବୁକ୍ଷରୋପଣ କଲା ପରେ ଫଳନ ଉନ୍ମୋଚନ ଏହାପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହଜାରୀବାଗରୁ ଆଭାସୀ ମାଧ୍ଯମରେ ଏହାକୁ ଲୋକାର୍ପିତ କରିଥିଲେ |

ସମନ୍ବିତ ଆଦିବାସୀ ଉନ୍ନୟନ ସଂସ୍ଥା ନିର୍ଦ୍ଦେଶକ ପରୀକ୍ଷିତ ଦାଶ ଙ୍କ ସଭାପତିତ୍ବରେ ଏଠାରେ ଅନୁଷ୍ଠିତ କାର୍ଯ୍ଯକ୍ରମରେ ରାଜ୍ଯସଭା ସାଂସଦ ମମତା ମହାନ୍ତ, ଅନ୍ଯତମ ଅତିଥି ଭାବେ ସାରସକଣା ବିଧାୟକ ଭାଦବ ହାଁସଦାଃ, ରାଇରଙ୍ଗପୁର ବିଧାୟକ ଜଲେନ ନାଏକ, ବରିଷ୍ଠ ଆଇନଜୀବୀ ତଥା ବିଜେପି ରାଜ୍ଯ କାର୍ଯ୍ଯକାରିଣୀ ସଦସ୍ଯ ସଂଜୀବ ମହାନ୍ତି, ସାମାଜିକ କର୍ମୀ ତଥା ବିଜେପି ରାଜ୍ଯ ସଂପାଦକ ନବୀନ ରାମ, ବିଡିଓ ବଂଶୀଧର ଖସଲା, ସ୍ଥାନୀୟ ସରପଞ୍ଚ କାନ୍ଦ୍ରା ମାହାଲି, ମଙ୍ଗଳ ସମ୍ପ୍ରସାରଣ ଅଧିକାରୀ ବିକାଶ ରଞ୍ଜନ ନାୟକ ଓ ଉପଜିଲ୍ଲାପାଳ କାର୍ଯ୍ଯାଳୟର ଏଡିଡ୍ବ୍ଲଓ (ADWO) କମଳାକାନ୍ତ ସ୍ବାଇଁ ପ୍ରମୁଖ ଯୋଗ ଦେଇ ଶିକ୍ଷା ବିନା ବିକାଶ ଅସମ୍ଭବ ଏବଂ ଶିକ୍ଷାର ବିକାଶ ଦେଶର ବିକାଶ ବୋଲି ବକ୍ତବ୍ଯ ରଖିଥିଲେ |

ପ୍ରାୟ ୨୭ କୋଟି ଟଙ୍କା ବ୍ଯୟରେ ନିର୍ମିତ ଉକ୍ତ ଶିକ୍ଷାନୁଷ୍ଠାନରେ ୪୮୦ ଛାତ୍ରଛାତ୍ରୀ ପାଠ ପଢିବାର ସୁଯୋଗ ପାଇବେ| ପ୍ରଥମ କରି ୩୦ ଜଣ ଲେଖାଏଁ ଛାତ୍ରଛାତ୍ରୀ ପ୍ରଥମ ବର୍ଷରେ ଷଷ୍ଠ ଶ୍ରେଣୀରେ ନାମ ଲେଖାଇଥିବା ଭାରପ୍ରାପ୍ତ ମଙ୍ଗଳ ସମ୍ପ୍ରସାରଣ ଅଧିକାରୀ ବିକାଶ ରଞ୍ଜନ ନାୟକ କାର୍ଯ୍ଯକ୍ରମ ପରିଚାଳନା କରି ସୂଚନା ଦେଇଥିଲେ | ଏଡିଡ୍ବ୍ଲଓ (ADWO) ଜ୍ଞାନେନ୍ଦ୍ର କୁମାର ସାମଲ ମଞ୍ଚ ପରିଚାଳନା କରିଥିବା ବେଳେ ଏଚଏସସିଏଲ (HSCL) ର କର୍ମକର୍ତ୍ତା କୁଶଳ କିଶୋର ପାଣ୍ଡେ ଧନ୍ଯବାଦ ଅର୍ପଣ କରିଥିଲେ | ଏଥିରେ ଅନ୍ଯାନ୍ଯ ସରକାରୀ କର୍ମଚାରୀ, ଏଚଏସସିଏଲ (HSCL) ର କର୍ମକର୍ତ୍ତାଗଣ ତଥା ସ୍ଥାନୀୟ ଲୋକେ ବହୁ ସଂଖ୍ଯାରେ ଯୋଗ ଦେଇଥିଲେ |