ଗ୍ରୋସରୀ ଦୋକାନରେ ଭୟଙ୍କର ଅଗ୍ନିକାଣ୍ଡ
ଓଡ଼ିଆ ନ୍ୟୁଜ,(ବ୍ୟୁରୋ): ସିଭିଲଟାଉନସିପସ୍ଥ ସୁରୁଚି ବଜାରରେ ଆଜି ସକାଳେ ଭୟାବହ ଅଗ୍ନିକାଣ୍ଡ ଘଟିଛି | ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ରାସନ ଓ ଉପହାର ସାମଗ୍ରୀ ଜଳିପୋଡ଼ି ପାଉଁଶ ହୋଇଯାଇଛି | ରାଉରକେଲା ଇସ୍ପାତ କାରଖାନା ଓ ଓଡ଼ିଶା ଅଗ୍ନିଶମ ବିଭାଗର ପାଞ୍ଚଟି ଦମକଳ ପହଞ୍ଚି ନିଆଁକୁ କାବୁ କରିଥିଲା |
ବିଲଡିଂ ଉପର ମହଲା କପଡା ସୋରୁମ କିଛି କ୍ଷୟ କ୍ଷତି ହୋଇ ନ ଥିବା ଜଣାପଡ଼ିଛି | ସୂଚନା ମୁତାବକ, ଆଜି ସକାଳ ପ୍ରାୟ ୭ଟାରେ ସୁରୁଚି ବଜାରରୁ ଧୂଆଁ ବାହାରୁଥିବା ଦେଖି ସ୍ଥାନୀୟ ଲୋକ ସୋରୁମ ମାଲିକ ଓ ଅଗ୍ନିଶମ ବିଭାଗକୁ ସୂଚନା ଦେଇଥିଲେ l ନିଆଁ ଚାରିଆଡ଼କୁ ବ୍ୟାପି ଯାଇଥିବାରୁ ଗୋଟିଏ ପରେ ଗୋଟିଏ ଦମକଳ ପହଞ୍ଚି ପ୍ରାୟ ଦୁଇ ଘଣ୍ଟା ପରେ କାବୁ କରିଥିଲା |
ନିଆଁ ଲାଗି ଲକ୍ଷାଧିକ ଟଙ୍କାର ସାମଗ୍ରୀ ଜଳିପୋଡି ପାଉଁଶ ହୋଇଯାଇଥିବା ସୂଚନା ମିଳିଛି। ନିଆଁ ଲିଭା କାର୍ଯ୍ୟରେ ଚାରୋଟି ଦମକଳ ଗାଡ଼ି ଓ ଅଗ୍ନିଶମ ବାହିନୀ ନିୟୋଜିତ ହୋଇଛନ୍ତି। ତେବେ ଏହି ଘଟଣାରେ କୌଣସି ମୃତାହତ ହୋଇଥିବା ସୂଚନା ନାହିଁ। ନିଆଁ ଲିଭା କାର୍ଯ୍ୟ ଜାରି ରହିଛି।