ନାରଦପୁର ରଘୁଆଳସାହି ନିକଟରେ ବାଇକ୍ କୁ ଧକ୍କା ଦେଲା ଟ୍ରକ ଜଣେ ମୃତ ଜଣେ ଗୁରୁତର

ଓଡ଼ିଆ ନ୍ୟୁଜ,(ବ୍ୟୁରୋ): ଚମ୍ପୁଆ ଥାନା ରିମୁଳି ଫାଣ୍ଡି ଅନ୍ତର୍ଗତ ୫୨୦ ନମ୍ବର ଜାତୀୟ ରାଜପଥ ନାରଦ ପୁର ରଘୁଆଳ ସାହି ନିକଟରେ ବାଇକ୍ କୁ ଧକ୍କା ଦେଲା ଟ୍ରକ। ବାଇକ୍ ରେ ସବାର ଦୁଇ ଜଣକ ମଧ୍ୟରୁ ଜଣେ ମୃତ ବରଣ କରିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ଗୁରୁତର ଙ୍କୁ ନିକଟସ୍ଥ ବାସୁଦେବପୁର ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଛି।

ସୂଚନାଯୋଗ୍ୟ କି ଯୋଡ଼ା ଭୁୟାଁ ବସ୍ତିର ଚକ୍ର ମୁଣ୍ଡା ଓ ଅମିୟ ନାଏକ ବାଇକ୍ ଯୋଗେ ଶିମୁଳି ରୁ ଯୋଡ଼ା ଯାଉଥିବା ବେଳେ ଯୋଡ଼ା ପଟୁ ଆସୁଥିବା ଏକ ଟ୍ରକ ସେମାନଙ୍କୁ ନାରଦ ପୁର ରଘୁଆଳସାହି ନିକଟରେ ଧକ୍କା ଦେବାରୁ ଘଟଣାସ୍ଥଳରେ ଅମିର ନାଏକ ମୃତ୍ୟୁ ବରଣ କରିଥିବା ବେଳେ ଗୁରୁତର ଅବସ୍ଥାରେ ଚକ୍ର କୁ ବାସୁଦେବପୁର ସ୍ବାସ୍ଥ୍ୟ କେନ୍ଦ୍ର କୁ ପଠାଯାଇଥିଲା।

ମାତ୍ର ସେଠାରେ ତାଙ୍କ ଅବସ୍ଥା ଗୁରୁତର ଥିବା ବେଳେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଖବର ପାଇ ରିମୁଳି ଫାଣ୍ଡି ଅଧିକାରୀ ପୋଲିସ ଘଟଣା ସ୍ଥଳରେ ପହଞ୍ଚି ଥିବା ଜଣାପଡିଛି। ସୂଚନା ଅନୁସାରେ ବାସୁଦେବପୁର ଠାରୁ ନାରଦ ପୁର ଯାଏଁ ରାସ୍ତା ମରାମତି କାର୍ଯ୍ୟ ଚାଲୁ ରହିଥିବା ବେଳେ ଗୋଟିଏ ପାର୍ଶ୍ବ ରାସ୍ତା ରେ ଗାଡ଼ି ଚଳାଚଳ ବନ୍ଦ କରାଯାଇଥିବାରୁ ଜାତୀୟ ରାଜପଥ ରେ ଗୋଟିଏ ପାର୍ଶ୍ବ ରେ ଗାଡ଼ି ଚଳାଚଳ ପାଇଁ ଛଡ଼ା ଯାଇଥିବାରୁ ଏହି ଦୁର୍ଘଟଣା ଘଟିଛି।