ଅବକାରୀ ଚଢାଉ; ୩ ଗିରଫ

ଓଡ଼ିଆ ନ୍ୟୁଜ,(ବ୍ୟୁରୋ):  ବାଲେଶ୍ୱର ଜିଲ୍ଲା ସୋର ଅବକାରୀ ବିଭାଗ ତରଫରୁ କାଳୀ ପଡିଆ ସମେତ ବିଭିନ୍ନ ସ୍ଥାନରେ ଚଢ଼ାଉ କରି ଦେଶିମଦ ଜବତ କରିଥିବା ବେଳେ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।

ସୋର ଆଦର୍ଶ ଅବକାରୀ ଥାନାଧିକାରୀ ସନ୍ତୋଷ ସ୍ୱାଇଁଙ୍କ ନେତୃତ୍ୱରେ ଏକ ଟିମ ପୌରପାଳିକା ଅନ୍ତର୍ଗତ କାଳୀ ପଡିଆ ନିକଟରେ ଚଢ଼ାଉ କରି ପ୍ରଭାକର ରାଉତ ନିକଟରୁ ୨୫ ଲିଟର ଦେଶିମଦ | ଛତ୍ରପୁର ଗ୍ରାମର ରମାକାନ୍ତ ଭୌମିକ ନିକଟରୁ ୪୫ ଲିଟର ଦେଶିମଦ ଏବଂ ବଡଖୁରୀ ଈଶ୍ୱରପୁର ଗ୍ରାମର ଲକ୍ଷ୍ମୀ ସିଂ ନିକଟରୁ ୪୫ ଲିଟର ଦେଶିମଦ ଜବତ କରି ୩ ଜଣଙ୍କୁ ଗିରଫ କରିଥିଲେ।

ଅପରାହ୍ନରେ ସୋର ମେଡ଼ିକାଲରେ ସମସ୍ତଙ୍କ ଡାକ୍ତରୀ ମାଇନା ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି। ଏହି ଚଢ଼ାଉରେ ଏଏସଆଇ ବସନ୍ତ କୁମାର ବାରିକ, କନେଷ୍ଟବଳ ଶଶୀକାନ୍ତ ସାହୁ, କାଜଲ ପ୍ରିୟଦର୍ଶିନୀ ପ୍ରମୁଖ ସାମିଲ ହୋଇଥିଲେ।