ଦିଲ୍ଲୀରେ କୃତ୍ରିମ ବର୍ଷା
ଓଡ଼ିଆ ନ୍ୟୁଜ୍: ପ୍ରଥମ ଥର ପାଇଁ ଦିଲ୍ଲୀରେ କୃତ୍ରିମ ବର୍ଷା। ପ୍ରଦୂଷଣ କମ୍ କରିବା ପାଇଁ ପଦକ୍ଷେପ କହିଲେ ମୁଖ୍ୟମନ୍ତ୍ରୀ।ଯେଉଁ କୃତ୍ରିମ୍ ବର୍ଷା ବିଷୟରେ ଦିଲ୍ଲୀବାସୀ ଗତ ଅନେକ ବର୍ଷରୁ ଶୁଣି ଆସୁଥିଲେ ଏହି ଅପେକ୍ଷାର ଏବେ ଅନ୍ତ ଘଟିଛି। ଦିଲ୍ଲୀରେ ମଙ୍ଗଳବାର କ୍ଲାଉଡ୍ ସିଡିଂର ଦ୍ୱିତୀୟ ଟ୍ରାଏଲ ପୂରା କରି ଯାଇଛି। ଦିଲ୍ଲୀର ପରିବେଶ ମନ୍ତ୍ରୀ ଟ୍ରାଏଲ ପରେ ଚାରି ଘଣ୍ଟା ଭିତରେ ବର୍ଷାର ସମ୍ଭାବନା ନେଇ ସୂଚନା ଦେଇଛନ୍ତି।
ଏହି ମଧ୍ୟରେ ଏହାର ଭିଡ଼ିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ଦେଖିବାକୁ ମିଳୁଛି ଯେ, କେଉଁ ପ୍ରକାରରେ ବିମାନର ୱିଙ୍ଗରେ ଲାଗିଥିବା ଉପକରଣରେ ରାସାୟନିକ ଛିଞ୍ଚନ କରି ବାଦଲକୁ ବର୍ଷିବାକୁ ବାଧ୍ୟ କରାଯାଉଛି। ସରଳ ଭାଷାର ଏହା ମଧ୍ୟ କହି ପାରିବା ଯେ, ଟେକନିକ୍ ସାହାଯ୍ୟରେ ବାଦଲରେ ଛିଦ୍ର ସୃଷ୍ଟି କରାଯାଇଛି।ଦିଲ୍ଲୀର ପରିବେଶ ମନ୍ତ୍ରୀ ମନଜିନ୍ଦର ସିଂହ ସିରସା କହିଛନ୍ତି ଯେ, ତାଙ୍କ ସରକାର ଆଇଆଇଟି-କାନପୁରର ସହଯୋଗରେ ଦିଲ୍ଲୀର କିଛି ଭାଗରେ କୃତ୍ରିମ ବର୍ଷାର ଟ୍ରାଏଲ କରିଥିଲା ଏବଂ ଆଗାମୀ କିଛି ଦିନରେ ଏହିପରି ଆହୁରି ଟ୍ରାଏଲ କରାଯିବାର ଯୋଜନା ଅଛି।