ବାରାପୁର ଡିଗ୍ରୀ କଲେଜର ପୁରଷ୍କାର ବିତରଣ ଉତ୍ସବ

ଓଡ଼ିଆ ନ୍ୟୁଜ,(ବ୍ୟୁରୋ):  ବାରାପୁର ଡିଗ୍ରୀ କଲେଜbhadrakaର ପୁରଷ୍କାର ବିତରଣ ଉତ୍ସବ | ବାରାପୁର ଡିଗ୍ରୀ କଲେଜର ଯୁବ ଓଡିଶା ନବୀନ ଓଡିଶା ଓ ପୁରଷ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି । କଲେଜ ପରିସରରେ ସ୍ନେହଲତା ସେନାପତିଙ୍କ ସଭାପତିତ୍ୱରେ ଆୟୋଜିତ ଉତ୍ସବରେ ବିଧାୟକ ପ୍ରତିନିଧୀ ଅସିତକୁମାର ଦାଶ ମୁଖ୍ୟଅତିଥି ଭାବରେ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବରେ ପାଳିଆବିନ୍ଧା କଲେଜର ପ୍ରାକ୍ତନ ଅଧ୍ୟକ୍ଷ କମଳାକାନ୍ତ ବିଶ୍ୱାଳ ଯୋଗଦେଇଥିଲେ ।

ସମ୍ମାନୀତ ଅତିଥି ଭାବରେ ରମାକାନ୍ତ କର, ଅନିରୁଦ୍ଧ ସାହୁ, ଗୋବର୍ଦ୍ଧନ ପତି,ବରଦାପ୍ରସାଦ କରପ୍ରମୁଖ ଯୋଗଦେଇଥିବା ସହିତ ଡିଗ୍ରୀ କଲେଜର ଅଧ୍ୟକ୍ଷ ରଘୁପତି ଖିଲାର ସଭାପରିଚାଳନା କରିଥିଲେ । ଛାତ୍ରୀମାନଙ୍କ ଦ୍ୱାରା ମନଛୁଆଁ ସ୍ୱାଗତ ସଙ୍ଗୀତ ଗାନ କରାଯାଇଥିବା ବେଳେ ଅଧ୍ୟାପକ ସଞ୍ଜୟକୁମାର ପାଣିଗ୍ରାହୀ ଅତିଥିମାନଙ୍କ ପରିଚୟପ୍ରଦାନ ଓ ଧନ୍ୟବାଦ ଅର୍ପଣ କରିଥିଲେ । ଶେଷରେ ବିଭିନ୍ନ ବିଭାଗରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ପୁରଷ୍କାର ବିତରଣ କରାଯାଇଥିଲା ।

ଅଧ୍ୟାପକ ସିତାରାମ ବେହେରା, ଅଜୟକୁମାର ସାହୁ,ସୁଧାଂଶୁଶେଖର ସାହୁ, ରମାକାନ୍ତ ପରିଡାପ୍ରମୁଖ ଉତ୍ସବ ପରିଚାଳନାରେ ସହଯୋଗ କରିଥିଲେ । ସନ୍ତୋଷକୁମାର ପାଣିଗ୍ରାହୀ,ରବିନ୍ଦ୍ର ମୁଦୁଲି,ଗଜାନନ ସାହୁ ସଙ୍ଗୀତ ପରିଚାଳନା କରିଥିବା ସହିତ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।