ଭିଜିଲାନ୍ସ ଜାଲରେ ଆଉ ଏକ ବଡ଼ ମାଛ: ଭୁବନେଶ୍ୱର R&B ଡିଭିଜନ ୪ର କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ଘରେ ରେଡ୍

ଓଡ଼ିଆ ନ୍ୟୁଜ୍(ବ୍ୟୁରୋ):  ପୁଣି ଭିଜିଲାନ୍ସ ଜାଲରେ ବଡ଼ ମାଛ।ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ଅଜୟ କୁମାର ମିଶ୍ର ଭିଜିଲାନ୍ସ ଜାଲରେ। ଅଜୟ ମିଶ୍ର ଭୁବନେଶ୍ୱର R&B ଡିଭିଜନ ୪ରେ କାର୍ଯ୍ୟରତ ଅଛନ୍ତି। ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ୬ଟିସ୍ଥାନରେ ଏକକାଳୀନ ଚଢ଼ାଉ ଚାଲିଛି। ଭୁବନେଶ୍ୱର ପଟିଆ ଶ୍ରୀବିହାର, ରଘୁନାଥପୁର ଘର ଓ ଅଫିସରେ ଚଢ଼ାଉ। ଢେଙ୍କାନାଳର ୨ଟି ସ୍ଥାନ, ଅନୁଗୁଳ ଜିଲ୍ଲା କାକୁଡି ସ୍ଥିତ ପୈତୃକ ଗାଁରେ ଚଢ଼ାଉ। ଚଢ଼ାଉରେ ୫ ଜଣ DSP, ୧୧ inspector ସାମିଲ। ଅଛନ୍ତି।

ସହକାରୀ ନିର୍ବାହୀ ଯନ୍ତ୍ରୀ ଅଜୟ କୁମାର ମିଶ୍ରଙ୍କ ପଟିଆର ସାଇ ଗାର୍ଡେନ୍ ଆପାର୍ଟମେଣ୍ଟ ଆବାସିକ ଭଡ଼ା ଘର ବ୍ଲକ୍ ନଂ-ବି / ୨୦୨, ଢେଙ୍କାନାଳ ସଦର ଥାନା ତାରିଣୀ ନଗର ପ୍ଲଟ୍ ନଂ -୧୩୦ / ୯୯ରେ ଥିବା ତିନିମହଲା କୋଠା, ପ୍ଲଟ୍ ନଂ -୧୨୬ / ୨୦୦ ଏବଂ ୧୩୦/୯୯ ଉପରେ ନିର୍ମିତ ଏକ ମହଲା ଘର, ଭୁବନେଶ୍ୱରର ରଘୁନାଥପୁରରେ ଅବସ୍ଥିତ ତିନିମହଲା କୋଠା, ଅନୁଗୁଳ ଜିଲ୍ଲାର କାକୁଡ଼ିଠାରେ ଥିବା ପୈତୃକ ଘର ଏବଂ ରାଜଧାନୀର ନିର୍ମାଣ ସୌଧରେ ଥିବା କାର୍ଯ୍ୟାଳୟରେ ଚଢ଼ାଉ ଚାଲିଛି।