ହଲଦା ପଞ୍ଚାୟତରେ ବିଜେଡି ଜନ ସଂପର୍କ ପଦଯାତ୍ରା

ଓଡ଼ିଆ ନ୍ୟୁଜ, ରାଇରଙ୍ଗପୁର: ରାଇରଙ୍ଗପୁର ବ୍ଲକ ହଳଦା ପଞ୍ଚାୟତରେ ବିଜେଡି ତରଫରୁ ଜନ ସଂପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ଜନ ସଂପର୍କ ପଦଯାତ୍ରା ଗତ ଅକ୍ଟୋବର ୨ ତାରିଖରୁ ଅକ୍ଟୋବର ୧୧ ପର୍ଯ୍ୟନ୍ତ ଚାଲୁରହିଛି | ଏହାର ମୁଖ୍ୟ ଉଦ୍ଦେଶ୍ୟ ସରକାରଙ୍କ ଜନ ହିତକର କାର୍ଯ୍ୟକୁ ଲୋକାଭିମୁୁଖୀ କରିବା, ଯାହା ଫଳରେ ଲୋକେ ଅବଗତ ହୋଇ ପାରିବେ ସରକାର କଣ କଣ ଯୋଜନା କରୁଛନ୍ତି |

ଆଜି ରାଇରଙ୍ଗପୁର ବ୍ଲକର ହଳଦା ପଞ୍ଚାୟତର ହଳଦା ଓ ଡାହାଣୀମାରୀ ଗାଁକୁ ନେଇ ବିଜେଡି ତରଫରୁ ଜନସଂପର୍କ ପଦଯାତ୍ରା ବିଜେଡି ବ୍ଲକ ସଭାପତି ତଥା ୪୫ ନଂ ଜୋନ ଜିଲ୍ଲା ପରିଷଦ ସଭ୍ୟ ସଚ୍ଚିଦାନନ୍ଦ ମହାନ୍ତଙ୍କ ନେତୃତ୍ବରେ ଅନୁଷ୍ଠିତ ହୋଇଥିଲା | ଏଥିରେ ପ୍ରାୟ ୩୦୦ ଜଣ ବିଜୁପ୍ରେମୀ ଭାଇଭଉଣୀ ଅଂଶଗ୍ରହଣ କରିଥିଲେ |

ଉକ୍ତ ପଦଯାତ୍ରାରେ ମୁଖ୍ୟ ଅତିଥି ଭାବେ ରାଇରଙ୍ଗପୁର ବ୍ଲକ ଅଧ୍ୟକ୍ଷ ଜ୍ଞାନରଂଜନ ହେମ୍ବ୍ରମ, ସମ୍ମାନିତ ଅତିଥି ରୂପେ ଉପାଧ୍ୟକ୍ଷା ମିନତୀ ମହାନ୍ତ, ୪୬ ନଂ ଜିଲ୍ଲା ପରିଷଦ ସଭ୍ୟା ଲିପିକା ମଣ୍ଡଳ, ଏମବିକେ ରଞ୍ଜିତା ବେହେରା, ହଳଦା ଗ୍ରାମ ପଞ୍ଚାୟତ ଏଲ ଏଫ ସଂପାଦକ ଦେବଯାନୀ ମହାନ୍ତ , ବିଜେଡି ନେତା ଅଂଜନ ମଣ୍ଡଳ ତଥା ବହୁ ନେତୃମଣ୍ଡଳୀୟ ଲୋକେ ଯୋଗ ଦେଇ କାର୍ଯ୍ୟକ୍ରମ ସଫଳ କରିଥିଲେ |