ବାରିପଦାରେ ବିଜେଡିର ବିଶାଳ ପଦଯାତ୍ରା

ଓଡ଼ିଆ ନ୍ୟୁଜ,(ବ୍ୟୁରୋ): ବାରିପଦାରେ ବିଜେଡିର ବିଶାଳ ପଦଯାତ୍ରା। ଯୋଗଦେଲେ ଷ୍ଟାର ପ୍ରଚାରିକା ଜିନ୍ନା ସାମଲ। ଦିନକୁ ଦିନ ପ୍ରଚାର ଜୋରଦାର କରୁଛି ବିଜେଡି। ବାରିପଦା ରେ ବିଧାୟକ ପ୍ରାର୍ଥୀ ସାନନ୍ଦ ମାରାଣ୍ଡି ତାଙ୍କ ପ୍ରଚାର କାର୍ଯ୍ୟକ୍ରମ କୁ ଜୋରଦାର କରିବାରେ ଲାଗିଛନ୍ତି।

କେତେବେଳେ ଲୋକସଭା ପ୍ରାର୍ଥୀ ସୁଦାମ ମାରାଣ୍ଡି ଙ୍କୁ ନେଇ ରାଲୀ କରୁଛନ୍ତି ତ କେତେବେଳେ ଷ୍ଟାର ପ୍ରଚାରକ ଙ୍କ ସହିତ କରୁଛନ୍ତି ପଦଯାତ୍ରା। ଆଜି ସଂଧ୍ୟା ରେ ବିଜେଡି ର ଷ୍ଟାର ପ୍ରଚାରକ ଅଭିନେତ୍ରୀ ଜିନା ସାମଲ ଙ୍କ ସହିତ ବାରିପଦା ପାଲବଣି ଗୋଲେଇ ନିକଟରୁ ଏକ ବିଶାଳ ପଦଯାତ୍ରା ରେ ପ୍ରଚାର କରିଛନ୍ତି ସାନନ୍ଦ। ହଜାର ହଜାର ମହିଳା, ଯୁବ ଓ ଛାତ୍ର ସମର୍ଥକ ଙ୍କ ସହିତ ପାଲବଣି ଠାରୁ ବାହାରି କୃଷ୍ଣଚନ୍ଦ୍ର ଛକ ଯାଏଁ ଏହି ଶୋଭାଯାତ୍ରା ରେ ପ୍ରବଳ ଜନ ସମର୍ଥନ ମିଳିବା ଦେଖାଯାଇଛି।

ବାରିପଦା ବାସୀ ଙ୍କ ଏଭଳି ଭଲପାଇବା ଓ ସମର୍ଥନ ଦେଖି ଏଥର ଡବଲ ଶଙ୍ଖ ର ବିଜୟ ସୁନିଶ୍ଚିତ ବୋଲି କହିଛନ୍ତି ତାରକା ପ୍ରଚାରକ ଜିନା। ବାରିପଦାର ଲୋକଙ୍କ ସମର୍ଥନ ଲାଗି ସମସ୍ତଙ୍କୁ କୃତଜ୍ଞତା ଦେବା ସହିତ ନବୀନ ବାବୁଙ୍କ ଜଣେ ସିପାହୀ ହିସାବରେ ବାରିପଦା ବାସୀ ଙ୍କ ସେବା କରି ସୁଯୋଗ ଦେଇଥିବାରୁ ସେ ନବୀନ ଙ୍କ ସହିତ ନିଜ ଭୋଟର୍ ମାନଙ୍କୁ ଧନ୍ୟବାଦ୍ ଦେଇଛନ୍ତି।