ଛଟ ପର୍ବ ଟ୍ରଷ୍ଟ ତରଫରୁ ଗାୟିକା ଶାରଦା ସିନ୍ହାଙ୍କ ବିୟୋଗରେ ଶୋକସଭା

ଓଡ଼ିଆ ନ୍ୟୁଜ,(ବ୍ୟୁରୋ):ଛଟ ପର୍ବ ସାମାଜିକ ଓ ସାଂସ୍କୃତିକ ଟ୍ରଷ୍ଟ ରାଇରଙ୍ଗପୁର ତରଫରୁ “ବିହାର କୋକିଳା” ପଦ୍ମ ଭୂଷଣ ଶାରଦା ସିନ୍ହାଙ୍କ ବିୟୋଗରେ ଟ୍ରଷ୍ଟ ର ସମସ୍ତ ସଦସ୍ୟଙ୍କ ଦ୍ବାରା ଏକ ଶୋକ ସଭାର ଆୟୋଜନ ହୋଇଯାଇଛି।

ସଭାପତି ବିଜୟ ରାମଙ୍କ ଆବାହକତ୍ବରେ ଆୟୋଜିତ ଏହି ଶୋକ ସଭାରେ ସର୍ବ ପ୍ରଥମେ ଶାରଦା ସିନ୍ହାଙ୍କ ଫୋଟୋଚିତ୍ରରେ ପୁଷ୍ପାଞ୍ଜଳୀ ପ୍ରଦାନ ପରେ ଏକ ମିନିଟର ମୌନ ପ୍ରାର୍ଥନା ଅନୁଷ୍ଠିତ କରାଗଲା। ବିଜୟ ରାମ ଶାରଦା ସିନ୍ହାଙ୍କ ଜୀବନୀ ଉପରେ ଆଲୋକପାତ କରିଥିଲେ।

ରାଜେଶ ପ୍ରଜାପତି ତାଙ୍କର ଛଠ ଗୀତ ଉପରେ ପରିପ୍ରକାଶ କରିଥିଲେ। ଅନ୍ୟମାନଙ୍କ ମଧ୍ୟରେ ଅବଧେଶ ମିଶ୍ର, ବିନୋଦ ଦାସ ଲାଲବାବୁ ସାଓ, ମଦନ ରଜକ,ବୈଦ୍ୟନାଥ ସାଓ, ନୀଳକଣ୍ଠ ସାମନ୍ତରାୟ, ଗୋପାଳ କୁମାର ଉପସ୍ଥିତ ଥିଲେ।ସଭାଶେଷରେ କିଶୋର ରଜକ ତାଙ୍କର ବକ୍ତବ୍ଯ ରଖି ଧନ୍ୟବାଦ ଅର୍ପଣ କରିଥିଲେ।