ଫାଇଭ୍-ଟି ସଚିବ ଭି.କେ ପାଣ୍ଡିଆନଙ୍କ ଧର୍ମଶାଳା ଗସ୍ତକୁ କଂଗ୍ରେସର ବିରୋଧ

ଓଡ଼ିଆ ନ୍ୟୁଜ୍ (ବ୍ୟୁରୋ) : ଫାଇଭ୍-ଟି ସଚିବ ଭି.କେ ପାଣ୍ଡିଆନଙ୍କ ଗସ୍ତକୁ ଚାରିଆଡେ ବିରୋଧ କରାଯାଉଛି । କେଉଁଠି ଅଣ୍ଡାମାଡ ତ ଆଉ କେଉଁଠି କାଳିମାଡ କରି ବିକ୍ଷୋଭ ପ୍ରଦର୍ଶନ କରୁଛନ୍ତି ବିରୋଧୀ । ନିକଟରେ ଅନେକ ଜିଲ୍ଲାରେ ହଂଗାମା ଦେଖିବାକୁ ମିଳିଥିବାବେଳ ଆଜି ଧର୍ମଶାଳାରେ ସଚିବଙ୍କ ଗସ୍ତକୁ ଜୋରଦନାର ବିରୋଧ କରିଛି କଂଗ୍ରେସ ।

ସଚିବଙ୍କ ଗସ୍ତ ପାଇଁ ଗୋପବନ୍ଧୁ ଛକରେ ଏକାଠି ହୋଇଥିଲେ କଂଗ୍ରେସ କର୍ମୀ । କଳା ପୋଷାକ ପିନ୍ଧି ପାଣ୍ଡିଆନ୍ ଗୋ ବ୍ୟାକ୍ ନାରା ଦେଇଥିଲେ । ଫାଇଭ୍-ଟି ସଚିବଙ୍କ ଆଜି ଯାଜପୁର ଜିଲ୍ଲାର ବଡ଼ଚଣା ଓ ଧର୍ମଶାଳା ଅଂଚଳ ଗସ୍ତ କରିବାର କାର୍ୟ୍ୟକ୍ରମ ରହିଛି । ପ୍ରଥମେ ଚଣ୍ଡିଖୋଲ ମହାବିନାୟକ ମନ୍ଦିର ପରିଦର୍ଶନ କରିବା ସହ ଜନ ଅଭିଯୋଗ ଶିବିରରେ ଅଭିଯୋଗ ଗ୍ରହଣ କରିବେ । ଏହା ପରେ ଜାରକା ମହୋତ୍ସବ ପଡ଼ିଆରେ ଆୟୋଜିତ ଏକ ସଭାରେ ଯୋଗଦେବେ ଫାଇଭ୍-ଟି ସଚିବ ଭି.କେ ପାଣ୍ଡିଆନ୍।

ସୂଚନାଥାଉକି ପୂର୍ବରୁ ମଧ୍ୟ ପାଣ୍ଡିଆନଙ୍କ ଗସ୍ତ ସମୟରେ ହଙ୍ଗାମା ଦେଖିବାକୁ ମିଳିଥିଲା । ଯାଜପୁର ମହିଳା କଂଗ୍ରେସ କଳା ଶାଢୀ ପିନ୍ଧି ସଚିବଙ୍କୁ ଜୋରାଦାର ବିରୋଧ କରିଥିଲା । ଏହାପରେ କଂଗ୍ରସକର୍ମୀ କଳା ପତାକା ଦେଖାଇ ପ୍ରତିବାଦ କରିଥିଲେ । ୫-ଟି ସାର୍ଟ ପିନ୍ଧି ଯୁବକମାନଙ୍କୁ ଆତଙ୍କ ଖେଳାଉଥିବା ଭିଡିଓ ମଧ୍ୟ ସାମ୍ନାକୁ ଆସିଥିଲା । ଏମିତିକି ପୋଲିସ ଓ କଂଗ୍ରେସକର୍ମୀ ଠେଲାପେଲା ହେବାର ଭିଡିଓ ସାମ୍ନାକୁ ଆସିଥିଲା ।