ନୀତିଶଙ୍କ ବିଜେପି ବିରୋଧୀ ବୈଠକରେ ଯୋଗ ଦେବ କଂଗ୍ରେସ!
ଓଡ଼ିଆ ନ୍ୟୁଜ (ବ୍ୟୁ୍ରୋ) : ବିଜେପି ବିରୋଧରେ ସ୍ୱର ଉତ୍ତୋଳନ କରୁଥିବା ଦଳମାନଙ୍କୁ ଗୋଟିଏ ମଞ୍ଚକୁ ଆଣିବାକୁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଲାଗିପଡିଛନ୍ତି। ଆଉ ମିଳିତ ବିରୋଧୀ ଦଳର ଭବିଷ୍ୟତ ରଣନୀତି ସମ୍ପର୍କରେ ଆଲୋଚନା ପାଇଁ ଆସନ୍ତା ଜୁନ୍ ୧୨ରେ ପାଟନାରେ ଏକ ବୈଠକ ଡାକିଛନ୍ତି।
ମିଳିଥିବା ସୂଚନା ମୁତାବକ କଂଗ୍ରେସ ଏହି ବୈଠକରେ ଭାଗ ନେବ, କିନ୍ତୁ ଏଥିରେ ଦଳର କୌଣସି ବରିଷ୍ଠ ନେତା ସାମିଲ ହେବେ ନାହିଁ। ସୂତ୍ରରୁ ପ୍ରକାଶ ଯେ ଏହି ବୈଠକର ତାରିଖ ବଦଳାଇବାକୁ କଂଗ୍ରେସ ଅନୁରୋଧ କରିଛି।
ଉଲ୍ଲେଖ ଥାଉ କି ବିରୋଧୀଙ୍କୁ ଗୋଟିଏ ମଞ୍ଚକୁ ଆଣିବା ପାଇଁ ନୀତୀଶ କୁମାର କିଛି ସମୟ ଧରି ନିରନ୍ତର ଚେଷ୍ଟା କରୁଛନ୍ତି। ସେ ଅତୀତରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଏବଂ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଭେଟିଥିଲେ। ଏହା ପରେ ସେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ, ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ଅଧ୍ୟକ୍ଷ ଶରଦ ପାୱାର ଏବଂ ଉଦ୍ଧବ ଠାକରେଙ୍କ ସମେତ ଅନେକ ନେତାଙ୍କୁ ଭେଟିଥିଲେ। ଏଥିରେ ସମସ୍ତେ କହିଥିଲେ ଯେ ବିରୋଧୀ ଦଳ ଏକାଠି ହେବା ଆବଶ୍ୟକ। ଅନ୍ୟପଟେ ଉଦ୍ଧବଙ୍କ ଗୋଷ୍ଠୀର ନେତା ସଞ୍ଜୟ ରାଉତ କହିଛନ୍ତି ଯେ ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏବଂ ଏନସିପି ମୁଖ୍ୟ ଶରଦ ପାୱାର ନୀତୀଶ କୁମାରଙ୍କ ବୈଠକରେ ଯୋଗ ଦେବେ ।
ଏହା ବ୍ୟତୀତ କୁହାଯାଉଛି ଯେ ତୃଣମୂଳ କଂଗ୍ରେସ ଅଧ୍ୟକ୍ଷା ମମତା ବାନାର୍ଜୀ ମଧ୍ୟ ଏହି ବୈଠକରେ ଯୋଗ ଦେଇପାରନ୍ତି। ବୈଠକରେ ଯୋଗଦେବା ପାଇଁ ବିଜେପିକୁ ବିରୋଧ କରୁଥିବା ସମସ୍ତ ଦଳକୁ ନିମନ୍ତ୍ରଣ ପଠାଯାଇଛି। ଅନ୍ୟପଟେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ବୁଧବାର ଦିନ କାଲିଫର୍ଣ୍ଣିଆ ବିଶ୍ୱବିଦ୍ୟାଳୟରେ ଏକ ଅଭିଭାଷଣରେ ବିରୋଧୀ ଏକତା ଉପରେ ଗୁରୁତ୍ୱାରୋପ କରିଛନ୍ତି। ଯଦି ବିରୋଧୀ ସଠିକ୍ ଭାବରେ ମିଳିତ ହୁଅନ୍ତି ତେବେ କେନ୍ଦ୍ରରେ ଶାସକ ବିଜେପି ପରାସ୍ତ ହୋଇପାରିବ ବୋଲି ସେ କହିଛନ୍ତି। ଏଥିସହିତ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଆଉ ଏକ ଫର୍ମୁଲା ଦେଇଛନ୍ତି। ଏହି ଅନୁଯାୟୀ, ଯେଉଁଠାରେ ଯେଉଁ ଦଳ ଶକ୍ତିଶାଳୀ, ସେଠାରେ ଏହାର ପ୍ରାର୍ଥୀ ଲଢ଼ିବା ଉଚିତ ।
ସମାନ କଥା ପୁନରାବୃତ୍ତି କରି ସାଂସଦ ସଞ୍ଜୟ ରାଉତ ମଧ୍ୟ କହିଛନ୍ତି ଯେ ଯଦି ଏହା ଘଟେ ତେବେ ଲୋକସଭା ନିର୍ବାଚନର ଫଳାଫଳ ସମ୍ପୂର୍ଣ୍ଣ ବଦଳିଯିବ। ଏହା ବ୍ୟତୀତ କୁହାଯାଉଛି ଯେ ତୃଣମୂଳ କଂଗ୍ରେସ ଅଧ୍ୟକ୍ଷା ମମତା ବାନାର୍ଜୀ ମଧ୍ୟ ଏହି ବୈଠକରେ ଯୋଗ ଦେଇପାରନ୍ତି।ବୈଠକରେ ଯୋଗଦେବା ପାଇଁ ବିଜେପିକୁ ବିରୋଧ କରୁଥିବା ସମସ୍ତ ଦଳକୁ ନିମନ୍ତ୍ରଣ ପଠାଯାଇଛି।
ଅନ୍ୟପଟେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ବୁଧବାର ଦିନ କାଲିଫର୍ଣ୍ଣିଆ ବିଶ୍ୱବିଦ୍ୟାଳୟରେ ଏକ ଅଭିଭାଷଣରେ ବିରୋଧୀ ଏକତା ଉପରେ ଗୁରୁତ୍ୱାରୋପ କରିଛନ୍ତି। ଯଦି ବିରୋଧୀ ସଠିକ୍ ଭାବରେ ମିଳିତ ହୁଅନ୍ତି ତେବେ କେନ୍ଦ୍ରରେ ଶାସକ ବିଜେପି ପରାସ୍ତ ହୋଇପାରିବ ବୋଲି ସେ କହିଛନ୍ତି।