ହାଣ୍ଡିଶାଳକୁ ମହଙ୍ଗା ମାଡ଼, ବଢିଲା ଖାଇବ ତେଲ ଦର

ଓଡ଼ିଆ ନ୍ୟୁଜ୍: ଯୁଦ୍ଧ ମାଡ଼ରେ ପୁଣି ହାଣ୍ଡିଶାଳ ଘାଇଲା। LPG ପରେ ଖାଇବା ତେଲ ବି ମହଙ୍ଗା। ଲିଟରକୁ ୧୦ ଟଙ୍କା ବଢ଼ିଲାଣି ରିଫାଇନ-ପାମୋଲିନ୍। ଇଣ୍ଡୋନେସିଆ ଓ ମାଲେସିଆରୁ ଆମଦାନୀରେ ବାଧା। ଦାମ୍ ବଢିଥିଲେ ବି ମାସେ ଯାଏଁ ମହଜୁଦ୍ ଅଛି। ବ୍ୟସ୍ତ ନହେବାକୁ ଖାଉଟିଙ୍କୁ ବ୍ୟବସାୟୀ ସଂଘର ନିବେଦନ। ଗ୍ୟାସ ପରେ ମହଙ୍ଗା ତେଲ । ହାଣ୍ଡିଶାଳକୁ ମହଙ୍ଗା ମାଡ଼ । ୫ଟଙ୍କା ବଢିଲା ରିଫାଇନ ଓ ପାମୋଲିନ ତେଲର ଦର । ଓଡିଶା ମାର୍କେଟରେ ଦୈନିକ ୧୦୦୦ ରୁ ୧୨୦୦ ଟନ ରିଫାଇନ ଓ ପାମୋଲିନ ତେଲର ଆବଶ୍ୟକତା ରହୁଛି ।

ହେଲେ ଓଡ଼ିଶାରେ ପ୍ରାୟ ୨୦ଦିନ ପାଇଁ ତେଲ ଷ୍ଟକ ରହିଥିବା ରାଜ୍ୟ ବ୍ୟବସାୟୀ ସଙ୍ଘର ସମ୍ପାଦକ ସୁଧାକର ପଣ୍ଡା ସୂଚନା ଦେଇଛନ୍ତି । ଦେଶଗୁଡ଼ିକରେ ଯୁଦ୍ଧ ଚାଲୁଥିବା ଯୋଗୁଁ ତେଲ ଦର ବୃଦ୍ଧି ପାଉଛି । ଏବେ ରାଜ୍ୟରେ ତେଲ ଷ୍ଟକ ରହଛି । ରିଫାଇନ ତେଲକୁ ଛାଡ଼ିଲେ ରାଜ୍ୟରେ ଅନ୍ୟ ତେଲ ତଥା ସୋରିଷ, ବାଦାମ , ତେଲ ପ୍ରଚୁର ରହିଛି । ଏହାର ଦାମ ମଧ୍ୟ ବଢିନାହିଁ । ତେଣୁ କେହି ବ୍ୟସ୍ତ ହୁଅନ୍ତୁ ନାହିଁ । ରାଜ୍ୟରେ ତେଲ କଳାବଜାରୀ ଯେପରି ନହେବ ସେଥିପ୍ରତି ସରକାର ଧ୍ୟାନ ଦେବାକୁ ଦାବି ହୋଇଛି ।