୨୮ ଓ ୨୯ରେ ଦେଶ ବ୍ୟାପୀ ବିଦ୍ୟୁତ ସରବରାହରେ ଉପୁଜି ପାରେ ବାଧା, କାରଣ କଣ ଜାଣନ୍ତୁ

ଓଡିଆ ନ୍ୟୁଜ୍(ବ୍ୟୁରୋ): କେନ୍ଦ୍ର ସରକାରଙ୍କ ଘରୋଇକରଣ ନୀତିକୁ ବିରୋଧ କରି ବିଦ୍ୟୁତ୍ କ୍ଷେତ୍ରର କର୍ମଚାରୀମାନେ ମାର୍ଚ୍ଚ ୨୮ ଓ ୨୯ ରେ ଧର୍ମଘଟ କରିବାକୁ ନିଷ୍ପତ୍ତି ନେଇଛନ୍ତି। ବୁଧବାର ଦିନ ବିଦ୍ୟୁତ୍ କର୍ମଚାରୀ ଓ ଇଞ୍ଜିନିୟର୍ସ ଜାତୀୟ ସମନ୍ୱୟ ସମିତି ବୈଠକରେ ଏହି ଦେଶବ୍ୟାପୀ ଧର୍ମଘଟର ନିଷ୍ପତ୍ତି ନିଆଯାଇଛି। ସେଥିପାଇଁ କୁହାଯାଉଛି ଯେ ଏହି ଦୁଇ ଦିନ ମଧ୍ୟରେ ସାରା ଦେଶରେ ବିଦ୍ୟୁତ ସମସ୍ୟା ହୋଇପାରେ।

ବିଦ୍ୟୁତ କର୍ମଚାରୀଙ୍କ ସହିତ ସାରା ଦେଶରେ ଶ୍ରମିକ ସଂଗଠନର ଶ୍ରମିକମାନେ ମଧ୍ୟ ଦୁଇ ଦିନ ଧରି ଧର୍ମଘଟ କରିବେ। ଅଲ ଇଣ୍ଡିଆ ପାୱାର ଇଞ୍ଜିନିୟର୍ସ ଫେଡେରେଶନର ସଭାପତି ଶୈଲେନ୍ଦ୍ର ଦୁବେ କହିଛନ୍ତି ଯେ କେନ୍ଦ୍ର ସରକାରଙ୍କ ଘରୋଇକରଣ ନୀତିକୁ ବିରୋଧ କରି ସମସ୍ତ ରାଜ୍ୟର ବିଦ୍ୟୁତ କର୍ମଚାରୀ ମଧ୍ୟ ଏହି ଧର୍ମଘଟରେ ଯୋଗଦେବେ

ମୁଖ୍ୟ ଦାବି କ’ଣ ?

କେନ୍ଦ୍ରର ଘରୋଇକରଣ ନୀତି ଯୋଗୁଁ କର୍ମଚାରୀଙ୍କ ମଧ୍ୟରେ ନିରାଶ ରହିଛି ବୋଲି ଶୈଲେନ୍ଦ୍ର ଦୁବେ କହିଛନ୍ତି।  ବିଦ୍ୟୁତ୍ କର୍ମଚାରୀ ଓ ଇଞ୍ଜିନିୟରମାନଙ୍କର ମୁଖ୍ୟ ଦାବି ହେଉଛି ବିଦ୍ୟୁତ୍ (ସଂଶୋଧନ) ବିଲ୍ ୨୦୨୧ ପ୍ରତ୍ୟାହାର କରାଯିବା ଓ ସମସ୍ତ ପ୍ରକାର ଘରୋଇକରଣ ପ୍ରକ୍ରିୟା ବନ୍ଦ କରାଯିବା ଉଚିତ୍। ଏହା ବ୍ୟତୀତ ୟୁନିଅନ୍ ଟେରିଟୋରୀଗୁଡିକରେ ବିଦ୍ୟୁତ୍ ଘରୋଇକରଣ କରିବାର ନିଷ୍ପତ୍ତିକୁ ତୁରନ୍ତ ବାତିଲ୍ କରନ୍ତୁ, ବିଶେଷକରି ଚଣ୍ଡିଗଡ଼, ଦାଦ୍ରା ନାଗର ହାଭେଲି, ଦାମନ୍ ଦିୟୁ ଏବଂ ପୁଡୁଚେରୀ। ବିଦ୍ୟୁତ୍ ବୋର୍ଡ଼ ବିଲୋପ ପରେ ନିଯୁକ୍ତ ସମସ୍ତ ବିଦ୍ୟୁତ୍ କର୍ମଚାରୀଙ୍କୁ ପୁରୁଣା ପେନସନ ଯୋଜନାର ସୁବିଧା ଦିଆଯିବା ଉଚିତ୍।

ବ୍ୟାଙ୍କ କର୍ମଚାରୀମାନେ ମଧ୍ୟ ଧର୍ମଘଟରେ ରହିବେ

ଅନ୍ୟପକ୍ଷରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ର କର୍ମଚାରୀମାନେ ଘରୋଇକରଣକୁ ବିରୋଧ କରି ମାର୍ଚ୍ଚ ୨୮ ରୁ ୨୯ ପର୍ଯ୍ୟନ୍ତ ଧର୍ମଘଟରେ ଯୋଗଦେବେ। ଏହା ବ୍ୟତୀତ ବିଭିନ୍ନ ବ୍ୟାଙ୍କର କର୍ମଚାରୀ ସଂଗଠନ ମାର୍ଚ୍ଚ ୨୮-୨୯ ରେ ଦୁଇ ଦିନିଆ ଧର୍ମଘଟ ଡାକରା ଦେଇଛନ୍ତି। ଏହା ବ୍ୟାଙ୍କ ସେବା ଉପରେ ପ୍ରଭାବ ପକାଇପାରେ। ଏସବିଆଇ ଏଥିପାଇଁ ଗ୍ରାହକ ଓ ଷ୍ଟକ୍ ମାର୍କେଟ ନିବେଶକମାନଙ୍କୁ ମଧ୍ୟ ସତର୍କ କରାଇଛି। ସାର୍ବଜନୀନ କ୍ଷେତ୍ର ବ୍ୟାଙ୍କଗୁଡିକର ଘରୋଇକରଣ ଓ ବ୍ୟାଙ୍କ ଆଇନ ସଂଶୋଧନ ବିଲ୍ ୨୦୨୧ କୁ ବିରୋଧ କରି ଏହି ଧର୍ମଘଟ ଡାକରା ଦିଆଯାଇଛି।