ରିଲିଜ ଅପେକ୍ଷାରେ ଫିଲ୍ମ ଆନିମଲ୍
ଓଡ଼ିଆ ନ୍ୟୁଜ, (ବ୍ୟୁରୋ) : ରିଲିଜ ଅପେକ୍ଷାରେ ଫିଲ୍ମ ଆନିମଲ୍ । ଫିଲ୍ମରେ ଲିଡରେ ନଜର ଆସିଛନ୍ତି ଅଭିନେତା ରଣବୀର କପୁର ଓ ସାଉଥ ସୁନ୍ଦରୀ ରଶ୍ମିକା ମନ୍ଦାନା । ତେବେ ଫିଲ୍ମରେ ଅନ୍ୟାନ୍ୟ ଭୂମିକାରେ ନଜର ଆସିବେ ବବି ଦେଓଲ, ଅନୀଲ କପୁରଙ୍କ ସହ ଅନେକ କଳାକାର । ଖାସ୍ କରି ଏହି ଫିଲ୍ମରେ ବବିଙ୍କ ଭୂମିକାକୁ ନେଇ ଅନେକ ସସ୍ପେନ୍ସ ନଜର ଆସିଛି । ଫିଲ୍ମକୁ ନେଇ ଫ୍ୟାନ୍ସ ବି ଉତ୍ସାହୀତ ଅଛନ୍ତି ।
ତେବେ ସିନେମା ପରଦାକୁ ଆସିବା ପୂର୍ବରୁ ମଲ୍ଟିପ୍ଲେକ୍ସରେ ପ୍ରଥମ ଦିନ ପାଇଁ ୧ ଲକ୍ଷ ଟିକଟ ଅଗ୍ରିମ ବୁକିଂ ହୋଇଛି। ପିଭିଆର-ଆଇନକ୍ସରେ ୮୧ ହଜାର, ସିନେପଲିସ୍ରେ ୧୯ ହଜାର ଟିକଟକୁ ମିଶାଇଲେ ମୋଟ ୧ ଲକ୍ଷ ଟିକଟ ବିକ୍ରି ହୋଇଛି। ଅଧିକନ୍ତୁ ସାକନିଲ୍କ ଡଟ୍ କମ୍ର ଏକ ରିପୋର୍ଟ ଅନୁଯାୟୀ, ଭାରତରେ ସବୁ ଥିଏଟର ଓ ଭାଷାରେ ସିନେମା ପାଇଁ ୬ କୋଟି ଟଙ୍କାରୁ ଅଧିକ ଅଗ୍ରିମ ବୁକିଂ ହୋଇଛି। ପ୍ରଥମ ଦିନ ପାଇଁ ହିନ୍ଦୀ ଭର୍ସନ ସିନେମାରେ ଅଗ୍ରିମ ଟିକଟ ବାବଦରେ ୫.୮୭ କୋଟି ଟଙ୍କା ଆଦାୟ ହୋଇଛି। ଏଥିରେ ୧.୭୬ ଲକ୍ଷ ଟିକଟ ବିକ୍ରି ହୋଇଛି। ତେଲୁଗୁ ଭର୍ସନ ସିନେମାରେ ପ୍ରଥମ ଦିନ ପାଇଁ ୫୪.୨୯ ଲକ୍ଷ ଟଙ୍କାର ବିକ୍ରି ହୋଇଛି। ତାମିଲ ଭର୍ସନ ପାଇଁ ୩୨.୭ ହଜାର ଟଙ୍କାର ଟିକଟ ବିକ୍ରି ହୋଇଛି। ଆନିମଲ୍ ସିନେମାରେ ରଣବୀର କପୁରଙ୍କ ସହ ଅନୀଲ କପୁର, ବବି ଦେଓଲ, ରଶ୍ମିକା ମନ୍ଦାନା ଏବଂ ତୃପ୍ତି ଡିମ୍ରି ଆଦି ଅଭିନୟ କରିଛନ୍ତି।
‘ଆନିମଲ୍’ ଟ୍ରେଲରରେ ରଣବୀର କପୁର ଏବଂ ବବି ଦେଓଲଙ୍କ ଭୟଙ୍କର ଅବତାର ଦେଖିବାକୁ ମିଳିଛି। ଟ୍ରେଲର ଆରମ୍ଭ ହେଉଛି ରଣବୀର ଓ ଅନୀଲ କପୁରଙ୍କଠାରୁ। ଏଥିରେ ଦର୍ଶାଯାଇଛି ଯେ, ରଣବୀର ଏଭଳି ଏକ ପରିବେଶରେ ବଢିଛନ୍ତି, ଯେଉଁଠି ସେ ପିଲାଦିନରୁ ହିଁ ହିଂସ୍ର ହୋଇଯାଇଛନ୍ତି। ଏଥିସହ ତାଙ୍କ ପିତା ଏବଂ ତାଙ୍କ ମଧ୍ୟରେ ଦୂରତା ରହିଛି। ରଣବୀରଙ୍କ କଥା ଶୁଣିବା ପରେ ଅନୀଲ ମଧ୍ୟ ଭୟଭୀତ ହୋଇଯାଉଛନ୍ତି, କାରଣ ପୁଅର ହିଂସ୍ର ହେବାର କାରଣ ସେ ନିଜେ।