ହଂକଂ ନିଆଁ, ୯୪ ମୃତ

ଓଡ଼ିଆ ନ୍ୟୁଜ୍: ହଂକଂ ଅଗ୍ନିକାଣ୍ଡରେ ମୃତ୍ୟୁସଂଖ୍ୟା ୯୪କୁ ବୃଦ୍ଧି, ୭୦ରୁ ଅଧିକ ଗୁରୁତର। ଏବେବି ଶତାଧିକ ନିଖୋଜ ଥିବା ସୂଚନା। ତାଇପୋ ଜିଲ୍ଲାରେ ହାଉସିଂ କଂପଲେକ୍ସରେ ଘଟିଥିଲା ଅଗ୍ନିକାଣ୍ଡ।ସର୍ଟ ସର୍କିଟରୁ ନିଆଁ ଲାଗିଥିଲା, ଉଦ୍ଧାର କାର୍ଯ୍ୟ ପ୍ରାୟ ଶେଷ। ଗତ ୨୬ ତାରିଖରେ ହଂକଂର ବହୁତଳ ଆପାର୍ଟମେଣ୍ଟ କମ୍ପ୍ଲେକ୍ସରେ ଲାଗିଥିବା ଭୟଙ୍କର ଅଗ୍ନିକାଣ୍ଡ ଏପର୍ଯ୍ୟନ୍ତ ନିୟନ୍ତ୍ରଣରେ ଅଛି। ଗୁରୁବାର ଦ୍ୱିତୀୟ ଦିନ ପାଇଁ ଉଦ୍ଧାରକାରୀ ଦଳ ଅଗ୍ନିକାଣ୍ଡକୁ ନିୟନ୍ତ୍ରଣ କରିବା ପାଇଁ ସଂଘର୍ଷ ଜାରି ରଖିଛନ୍ତି। ମୃତ୍ୟୁ ସଂଖ୍ୟା ୮୩ ରେ ପହଞ୍ଚିଛି। ୨୮୦ରୁ ଅଧିକ ଲୋକ ନିଖୋଜ ଅଛନ୍ତି। ଅଧିକାରୀମାନେ ଏହାକୁ ୭୦ ବର୍ଷ ମଧ୍ୟରେ ସହରର ସବୁଠାରୁ ଖରାପ ଦୁଃଖଦ ଘଟଣା ବୋଲି ବର୍ଣ୍ଣନା କରିଛନ୍ତି।

ରିପୋର୍ଟ ଅନୁଯାୟୀ, କର୍ତ୍ତୃପକ୍ଷ କହିଛନ୍ତି ଯେ ପ୍ରାୟ ୭୬ ଜଣ ଆହତ ହୋଇଛନ୍ତି, ସେମାନଙ୍କ ମଧ୍ୟରୁ ୪୩ ଜଣ ଗୁରୁତର। ମୃତକଙ୍କ ମଧ୍ୟରେ ଜଣେ ଅଗ୍ନିଶମ କର୍ମଚାରୀ ଅଛନ୍ତି। ଅନେକ ଲୋକ ଏବେ ବି କୋଠାରେ ଫସି ରହିଛନ୍ତି। ସାତଟି ବ୍ଲକ ମଧ୍ୟରୁ ଚାରିଟିରେ ଲାଗିଥିବା ଭୟଙ୍କର ଅଗ୍ନିକାଣ୍ଡକୁ ନିୟନ୍ତ୍ରଣ କରାଯାଇଛି। ବାକି ୩୧ ମହଲା କୋଠାର ଉପର ମହଲା ସନ୍ଧ୍ୟା ପର୍ଯ୍ୟନ୍ତ ଜଳି ରହିଥିଲା। ଫସି ରହିଥିବା ଲୋକଙ୍କୁ ସ୍ଥାନାନ୍ତର କରାଯାଉଛି।