କ୍ରିକେଟକୁ ଭବିଷ୍ୟତ କରିବାକୁ ଚାହୁଁଥିବା ଛାତ୍ରଛାତ୍ରୀଙ୍କ ପାଇଁ ଖୁସି ଖବର: ବରୁଣେଇ ଠାରେ ଖୋଲିବାକୁ ଯାଉଛି IIG କ୍ରିକେଟ ଏକାଡେମୀ

ଓଡ଼ିଆ ନ୍ୟୁଜ୍(ବ୍ୟୁରୋ): କ୍ରିକେଟକୁ ନିଜର କ୍ୟାରିୟର କରିବାକୁ ଚାହୁଁଛନ୍ତି ଯୁବକ ଓ ଯୁବତୀଙ୍କ ପାଇଁ ଖୁସି ଖବର।ଭୁବନେଶ୍ୱର ନିକଟସ୍ଥ ବାରୁଣେଇରେ ଖୋଲିବାକୁ ଯାଉଛି ଆଇଆଇଜି କ୍ରିକେଟ୍ ଏକାଡେମୀ।ଯେଉଁଥିରେ ଆର୍ଟ ଷ୍ଟାଡିୟମ୍, ଅଭ୍ୟାସ ଗ୍ରାଉଣ୍ଡ, ଆବାସିକ ସୁବିଧା ସହ ଅନ୍ୟାନ୍ୟ ଆଧୁନିକ ସୁବିଧା ଯୋଗାଇଦିଆଯିବ।ଏହି କ୍ରିକେଟ୍ ଏକାଡେମୀକୁ ଭାରତୀୟ କ୍ରିକେଟ୍ ଦଳର ପୂର୍ବତନ କ୍ୟାପଟେନ୍ ମହମ୍ମଦ ଆଜାରୁଦ୍ଦିନ ନେତୃତ୍ୱ ନେବା ସହ ପରାମର୍ଶ ପ୍ରଦାନ କରିବେ।

ହୋଟେଲରେ ଆୟୋଜିତ ଏକ ସାମ୍ବାଦିକ ସମିଳନୀରେ କ୍ରିକେଟର ଆଜାରୁଦ୍ଦିନ କହିଥିଲେ ଯେ ଆଇଆଇଜି କ୍ରିକେଟ୍ ଏକାଡେମୀର ମୂଳ ଉଦ୍ଦେଶ୍ୟ ହେଉଛି ଜାତୀୟ ତଥା ଆନ୍ତର୍ଜାତୀୟ ସ୍ତରରେ ଓଡ଼ିଶାର ଲୁକ୍କାୟିତ କ୍ରୀଡା ପ୍ରତିଭାକୁ ଲୋକଲୋଚନକ ଆଣିବା।ଯାହାଫଳରେ ଓଡ଼ିଶାର ଖେଳାଳିମାନଙ୍କର ଭବିଷ୍ୟତ ଉଜ୍ୱଳମୟ ହେବା ସହ ଆନ୍ତର୍ଜାତୀୟ ତଥା ଜାତୀୟ କ୍ରିକେଟ୍ ମ୍ୟାଚ୍ ରେ ମଧ୍ୟ ଖେଳିବାକୁ ସୁଯୋଗ ପାରିବେ ଓଡିଶା ଖେଳାଳି।