ଭାରତୀୟ ବାୟୁସେନାର ବିମାନ ମିଗ୍ 29 ଦୁର୍ଘଟଣାଗସ୍ତ

୦୮.୦୫.୨୦୨୦ ( ଓଡ଼ିଆ ନ୍ୟୁଜ ବ୍ୟୁରୋ) : ଭାରତୀୟ ବାୟୁସେନାର ଲଢ଼ୁଆ ବିମାନ ମିଗ୍ 29 ପଞ୍ଜାବ ରେ ଦୁର୍ଘଟଣା ହୋଇଛି l ଶୁକ୍ରବାର ପଞ୍ଜାବର ନୱସହର ଜିଲ୍ଲା ଅନ୍ତର୍ଗତ ଚୁହାଡପୁର ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି l କୌଣସି ଯାନ୍ତ୍ରିକ ତୃଟି କାରଣ ରୁ ହଠାତ୍ ବିମାନ ଟି ତଳକୁ ଖସିପଡିଥିଲା l ତଳକୁ ଖସିପଡିବା ପରେ ବିମାନରେ ନିଆଁ ଲାଗିଯାଇଥିଲା l ଏହା ଦେଖି ସ୍ଥାନୀୟ ଆଖ ପାଖ ଗ୍ରାମର ଲୋକ ବିମାନ ନିକଟ ରେ ଜମା ହୋଇଯାଇଥିଲେ l ଖବର ପାଇ ଜିଲ୍ଲା ଓ ପୋଲିସ ପ୍ରଶାସନ ଘଟଣା ସ୍ଥଳ ରେ ପହଁଞ୍ଚି ଘଟଣା ସମ୍ପର୍କରେ ଭାରତୀୟ ବାୟୁସେନାକୁ ଖବର ଦିଆଯାଇଥିଲା l ଯୁଦ୍ଧ ବିମାନ ରୁ ପାଇଲଟ ଏମ୍ କେ ପାଣ୍ଡେ ସୁରକ୍ଷିତ ବାହାରିଆସି ଥିଲେ l ତାଙ୍କର ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି l