ପ୍ରାୟୋଜିତ ଆନ୍ଦୋଳନ କରାଉଛନ୍ତି ବିଧାୟକ ସନାତନ ମହାକୁଡ 

ଓଡ଼ିଆ ନ୍ୟୁଜ,(ବ୍ୟୁରୋ): ପ୍ରାୟୋଜିତ ଆନ୍ଦୋଳନ କରାଉଛନ୍ତି ବିଧାୟକ ସନାତନ ମହାକୁଡ | ଚମ୍ପୁଆ ବିଧାୟକଙ୍କ ବିରୋଧରେ ସଙ୍ଗୀନ ଅଭିଯୋଗ | ବିଧାୟକ ସନାତନ ମହାକୁଡଙ୍କ ବିରୋଧରେ ଅଭିଯୋଗ ଆଣିଲେ ଯୁବକ | ଲୋକଙ୍କୁ ମଜୁରୀ ଦେଇ ଆନ୍ଦୋଳନ କରାଉଛନ୍ତି ବିଧାୟକ | ପ୍ରାୟୋଜିତ ଆନ୍ଦୋଳନର ମୂଳ ହେଉଛନ୍ତି ସନାତନ|

ଏଭଳି କିଛି ସଙ୍ଗୀନ ଅଭିଯୋଗ ଆସିଛି ମାନ୍ୟବର ଚମ୍ପୁଆ ବିଧାୟକ ଶ୍ରୀ ସନାତନ ମହାକୁଡଙ୍କ ବିରୋଧରେ | ସାଧାରଣ ନିର୍ବାଚନ ପରେ ରାଜ୍ୟର ବେଶ୍ ଚର୍ଚ୍ଚିତ ତଥା ଗୁରୁତ୍ୱପୂର୍ଣ୍ଣ ଚମ୍ପୁଆ ନିର୍ବାଚନ ମଣ୍ଡଳୀରେ ଥିବା ବିଭିନ୍ନ ଖଣି ତଥା ଖଣିଶିଳ୍ପ ସଂସ୍ଥା ମାନଙ୍କରେ ଆରମ୍ଭ ହୋଇଛି ଧାରଣା, ଆନ୍ଦୋଳନ। ଏନେଇ ସମଗ୍ର ଖଣି ମଣ୍ଡଳରେ ଅଶାନ୍ତିର ବାତାବରଣ ଖେଳି ଯାଇଥିବା ବେଳେ ଏହିସବୁ ଧାରଣା, ଆନ୍ଦୋଳନ ପଛରେ ପରୋକ୍ଷ ଭାବରେ ଚମ୍ପୁଆ ବିଧାୟକ ଶ୍ରୀ ସନାତନ ମହାକୁଡ ଜଡ଼ିତ ରହିଥିବା ଅଭିଯୋଗ କରିଛନ୍ତି ବଡ କାଳୀମାଟିର ଜଣେ ଯୁବକ।

ଏଠାରେ ସୂଚନା ଥାଉ କି ଯୋଡା ଖଣି ମଣ୍ଡଳ ଅନ୍ତର୍ଗତ ବିଭିନ୍ନ ଖଣି ତଥା ଖଣିଶିଳ୍ପ ସଂସ୍ଥା ଆଦି ସମ୍ମୁଖରେ ହଠାତ୍ ଆରମ୍ଭ ହୋଇଛି ଆନ୍ଦୋଳନ, ଧାରଣା, ଧର୍ମଘଟ। ସେହି କ୍ରମରେ ଯୋଡା ବ୍ଲକ୍ ଅନ୍ତର୍ଗତ ସିଲିଯୋଡ଼ା ଗ୍ରାମର କାଶୀଭି ଖଣି ସମ୍ମୁଖରେ ଚାଲିଥିବା ଆନ୍ଦୋଳନକୁ ଚମ୍ପୁଆ ବିଧାୟକ ଶ୍ରୀ ସନାତନ ମହାକୁଡଙ୍କ ଦ୍ଵାରା ପ୍ରଯୋଜିତ ଆନ୍ଦୋଳନ ବୋଲି ତାଙ୍କ ଉପରେ ଖୁବ୍ ବର୍ଷିଛନ୍ତି ବି.କେ.ଡି.ଏସ୍. ସଭାପତି ଶ୍ରୀ ବଳଦେବ ପାତ୍ର