ଏଣିକି ଠିକ ସମୟରେ ଅଫିସ ଆସିବେ କର୍ମଚାରୀ, ୪ ଘଣ୍ଟାରୁ କମ୍ ହେଲେ କାଟିବ ଗୋଟିଏ ଦିନର ଛୁଟି

ଓଡ଼ିଆ ନ୍ୟୁଜ୍: ଓଡ଼ିଶା ଗ୍ରାମୀଣ ଉନ୍ନୟନ ବିଭାଗ କର୍ମଚାରୀଙ୍କ ହାଜିରା ରେକର୍ଡ ବାୟୋମେଟ୍ରିକ ମେସିନ ଜରିଆରେ ବାଧ୍ୟତାମୂଳକ କରିଛି ଏବଂ ସମସ୍ତ କର୍ମଚାରୀଙ୍କୁ ସନ୍ଧ୍ୟା ୫:୩୦ ପୂର୍ବରୁ ଅଫିସ ଛାଡ଼ିବାକୁ ନିଷେଧ କରିଛି।ବିଭାଗ ଆହୁରି କହିଛି ଯେ ଯଦି କୌଣସି କର୍ମଚାରୀ ଅଫିସ-ଆଉଟ ଡାଟା ରେକର୍ଡ ନ କରନ୍ତି, ତେବେ ସେହି ଦିନ ପାଇଁ ସମ୍ପୃକ୍ତ କର୍ମଚାରୀଙ୍କୁ କର୍ତ୍ତବ୍ୟରୁ ଅନୁପସ୍ଥିତ ବୋଲି ଗଣାଯିବ।

ବିଭାଗର ନିର୍ଦ୍ଦେଶରେ କୁହାଯାଇଛି, “ସମସ୍ତ କର୍ମଚାରୀ ସକାଳ ୧୦ ଟା ସୁଦ୍ଧା ଅଫିସରେ ପହଞ୍ଚିବେ ଏବଂ ସମସ୍ତ କାର୍ଯ୍ୟଦିବସରେ ସନ୍ଧ୍ୟା ୫:୩୦ ପୂର୍ବରୁ ଅଫିସ ଛାଡ଼ିବେ ନାହିଁ।”ତେବେ, ଅପ୍ରତ୍ୟାଶିତ ପରିସ୍ଥିତି ଜନିତ ବିଳମ୍ବକୁ ବିଚାରକୁ ନେଇ ୩୦ ମିନିଟର ଛାଡ଼ପତ୍ର ଅନୁମୋଦିତ ହୋଇଛି।