ଆସନ୍ତାକାଲି ଓଡ଼ିଶା ଆସିବେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ

ଓଡ଼ିଆ ନ୍ୟୁଜ,(ବ୍ୟୁରୋ): ଆସନ୍ତାକାଲି ଓଡ଼ିଶା ଆସିବେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ।ଦଳୀୟ କାର୍ଯ୍ୟକ୍ରମରେ ସାମିଲ ହେବାକୁ ଓଡ଼ିଶା ଆସିବେ ରାଜନାଥ ସିଂହ। ୨୦୨୪ ନିର୍ବାଚନ ପାଇଁ ବିଜେପିର ବିଜୟ ଶଙ୍କଳ୍ପ ସମାବେଶରେ ସାମିଲ ହେବେ ରାଜନାଥ।

ସଂସଦୀୟ କ୍ଷେତ୍ରର ପ୍ରସ୍ତୁତି ଓ ରଣନୀତି ନେଇ ୩ଟି ସ୍ଥାନରେ ଅନୁଷ୍ଠିତ ହେବାକୁ ଥିବା କୋରକମିଟି ବୈଠକରେ ସାମିଲ ହେବେ ପ୍ରତିରକ୍ଷା ମନ୍ତ୍ରୀ। ଗଞ୍ଜାମ, ନବରଙ୍ଗପୁର ଏବଂ ମୟୂରଭଞ୍ଜରେ ଦଳୀୟ ନେତା ଓ କର୍ମୀଙ୍କୁ ଉଦବୋଧନ ଦେବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାର୍ତାକୁ କିଭଳି ଲୋକଙ୍କ ପାଖକୁ ପହଞ୍ଚାଯିବ ସେ ସମ୍ପର୍କରେ ଦଳୀୟ ନେତାଙ୍କୁ ସୂଚନା ଦେବେ ।

ସେହିପରି ଗାଁ ଚାଲ, ବୁଥ୍ ଚାଲ ଅଭିଯାନ୍ ଜରିଆରେ କେନ୍ଦ୍ର ସରକାରଙ୍କ ଯୋଜନାର ଲାଭାର୍ଥୀଙ୍କୁ ଭେଟି ବିଜେପି କର୍ମୀ କଣ କରିବେ ସେ ସମ୍ପର୍କରେ ବିସ୍ତୁତ ବିରରଣୀ ଦେବେ । ବ୍ରହ୍ମପୁର ସହରର ବିବେକ ବିହାରରେ ଗଞ୍ଜାମ ଜିଲ୍ଳାର କାର୍ୟ୍ୟକ୍ରମ ଅନୁଷ୍ଠିତ ହେବ । ଏଥିରେ ୨୦ ହଜାରରୁ ଅଧିକ ନେତା ଓ କର୍ମୀ ଯୋଗ ଦେବାର କାର୍ୟ୍ୟକ୍ରମ ରହିଛି । ସୂଚନା ଅନୁସାରେ ଏହି ୩ଟି ଜିଲ୍ଳା ଗସ୍ତ କାର୍ୟ୍ୟକ୍ରମରେ ଜନସଭାକୁ ମଧ୍ୟ ଉଦବୋଧନ ଦେବେ କେନ୍ଦ୍ରମନ୍ତ୍ରୀ ରାଜନାଥ ସିଂ ।