ଭୁବନେଶ୍ୱର:ରାଜ ଭବନ ଛକରେ କାର-ସ୍କୁଟି ମୁହାଁମୁହିଁ ଧକ୍କା, ଜଣେ ଗୁରୁତର

ଓଡିଆ ନ୍ୟୁଜ୍(ବ୍ୟୁରୋ):  ଆଜି ମଧ୍ୟାହ୍ନ ପ୍ରାୟ ୧ଟା ସମୟରେ କ୍ୟାପିଟାଲ ଥାନା ଅନ୍ତର୍ଗତ ରାଜ ଭବନ ଛକରେ ଏକ ଇଣ୍ଡିଂଗୋ କାର ସହ ଏକ ଆକ୍ଟିଭା ର ମୁହାଁମୁହିଁ ଧକ୍କା ହେବ ଫଳରେ ଆକ୍ଟିଭା ଚାଳକ ଗୁରୁତର ଭାବେ ଆହତ ହୋଇ କ୍ୟାପିଟାଲ ହସ୍ପିଟାଲ ରେ ପ୍ରାଥମିକ ଚିକିର୍ଚ୍ଛା ପରେ ସ୍ୱାସ୍ଥ୍ୟବସ୍ଥା ରେ ଅବନତି ଘଟିବାରୁ କଟକ ଏସ ସି ବି କୁ ସ୍ଥାନାନ୍ତର କରାଯାଇଛି।ଘଟଣାର ବିବରଣୀରୁ ଜଣା ପଡ଼ିଛି ଯେ,ପାୱାର ହାଉସ ଦିଗରୁ ରାଜେନ୍ଦ୍ର ସାହୁ (୩୨)ନାମକ ଜୈନକ ବ୍ୟକ୍ତି ,OD-02 AD 8666 ନମ୍ଵର ବିଶିଷ୍ଠ ତାଙ୍କ ଲାଲ ରଙ୍ଗର ଆକ୍ଟିଭା ରାଜ ଭବନ ଛକ ଗୋଲେଇ ଛକରେ ରାସ୍ତା ଅତିକ୍ରମ କରିବା ବେଳେ ଏଜି ଛକ ପଟୁ ଆସୁଥିବା OR- 17 J 7749 (TATA INDIGO)କାର ସହ ମୁହାଁ ମୁହିଁ ଧକ୍କା ହେବାରୁ କାର ଟି ଆକ୍ଟିଭା ଟିକୁ କିଛିବାଟ ଘୋଷାଡି ନେଇଥିଲା।ଯାହା ଫଳରେ ଆକ୍ଟିଭା ଚାଳକ ରାଜେନ୍ଦ୍ର ସାହୁ ଅତି ଗୁରୁତର ଭାବେ ଆହତ ହୋଇଥିଲେ।

ଦୁର୍ଘଟଣା ପରେ ସଙ୍ଗେସଙ୍ଗେ ସ୍ଥାନୀୟ ଲୋକେ ଆହତ ଙ୍କୁ କ୍ୟାପିଟାଲ ହସ୍ପିଟାଲ ରେ ଭର୍ତି କରିଥିଲେ ଆହତ ଙ୍କ ସ୍ୱଥ୍ୟବସ୍ଥା ରେ ଅବନତି ଘଟିବାରୁ ତାଙ୍କୁ କଟକ ଏସ ସି ବି କୁ ସ୍ଥାନାନ୍ତର କରାଯାଇଛି।ପୋଲିସ କଣ୍ଟ୍ରୋଲ ରୁମ ରୁ ସୂଚନା ପାଇ PCR-1 ଦାୟିତ୍ୱ ରେ ଥିବା ଅଧିକାରୀ ଦାମୋଦର ସ୍ୱାଇଁ ସଙ୍ଗେସଙ୍ଗେ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ଦୁର୍ଘଟଣାଗ୍ରସ୍ତ ଗାଡି ଦୁଇଟିକୁ ଥାନାକୁ ହସ୍ତାନ୍ତର କରିଥିଲେ।କାର ଚାଳକ ନିଆଳି ଅଞ୍ଚଳର ରାକେଶ କୁମାର ରଥ ଙ୍କୁ କ୍ୟାପିଟାଲ ଥାନାରେ ଅଟକ ରଖାଯାଇ ଥିବା ସୂଚନା ମିଳିଛି।