ଗ୍ୟାସ୍ ସିଲିଣ୍ଡର ପାଇଁ ରାତିରୁ ଲମ୍ବା ଲାଇନ୍
ଓଡ଼ିଆ ନ୍ୟୁଜ୍: ଭୁବନେଶ୍ୱରରେ ଗ୍ୟାସ୍ ସିଲିଣ୍ଡର ପାଇଁ ରାତିରୁ ଲମ୍ବା ଲାଇନ୍। ଲିଙ୍ଗରାଜ ଗ୍ୟାସ୍ ଷ୍ଟେସନ ସାମ୍ନାରେ ଗ୍ୟାସ୍ ଖାତା ରଖି ଲାଇନ୍। ୨୦-୨୫ ଦିନ ହେଲାଣି ଗ୍ୟାସ୍ ଡେଲିଭରି ହୋଇନଥିବା ଅଭିଯୋଗ।
ଖବର ଅନୁଯାୟୀ, ୨୦ -୨୫ ଦିନ ହେଲା ଗ୍ୟାସ ବୁକ୍ କରି ଥିଲେ ବି ଗ୍ୟାସ ଡେଲିଭରି ହୋଇପାରିନି। ଘରେ ରୋଷେଇ ପାଇଁ ଗ୍ୟାସ ନାହିଁ। ପ୍ରବଳ ହଇରାଣ ହେଉଛନ୍ତି ଗ୍ରାହକ। ଗ୍ରାହକ ଅଭିଯୋଗ କରିଛନ୍ତି ତାଙ୍କୁ ହୋମ୍ ଡେଲିଭରୀ ମିଳିବା ବନ୍ଦ ହୋଇଯାଇଛି। କିଛି ଗ୍ରାହକ କାଠ ଚୁଲାରେ ରୋଷେଇ କରୁଛନ୍ତି। ଆଉ କିଛି ଗ୍ରାହକ ଖୁଚୁରା ଗ୍ୟାସ ଲିଟର ପିଛା ୧୧୦ ଟଙ୍କା ଦେଇ କଳା ବଜାରରୁ କିଣୁଛନ୍ତି। କିଛି ଗ୍ରାହକଙ୍କୁ ଗୋଦାମ ଯାଇ ଗ୍ୟାସ ଆଣିବାକୁ କୁହାଯାଉଥିବା ବେଳେ ଅନ୍ୟ ଗ୍ରାହକଙ୍କୁ ରାତିରୁ ଲମ୍ବା ଲାଇନରେ ଠିଆ ହେବାକୁ ଗ୍ୟାସ ଡିଷ୍ଟ୍ରିବ୍ୟୁଟର ପକ୍ଷରୁ କୁହାଯାଉଛି। ମୋଟାମୋଟି ଭାବେ ଗ୍ୟାସ ମିଳୁନଥିବା ଦେଖାଯାଇଛି।