ମର୍ମନ୍ତୁଦ ସଡକ ଦୁର୍ଘଟଣା, ଜଣେ ମୃତ

ଓଡ଼ିଆ ନ୍ୟୁଜ, (ବ୍ୟୁରୋ):  ବାଲେଶ୍ଵର ଜିଲ୍ଲା ବସ୍ତା ଥାନା ଜଳେଶ୍ବର ନିର୍ବାଚନ ମଣ୍ଡଳୀ ଅନ୍ତର୍ଗତ ତାରିଣୀ ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା, ଜଣେ ମୃତ। ସୂଚନା ଅନୁସାରେ ରାତି ୨.୪୫ ମିନିଟ ସମୟରେ ୬୦ ନମ୍ବର ଜାତୀୟ ରାଜପଥ ର ତାରିଣୀ ଛକ ନିକଟରେ ରାସ୍ତା କଡରେ ଛିଡ଼ା ହୋଇଥିବା ଏକ ଟ୍ରକକୁ ପଛ ପଟରୁ ଅନ୍ୟ ଏକ ଟ୍ରକ ଧକ୍କା ଦେଇଥିଲା। ଫଳରେ ଧକ୍କା ଦେଇଥିବା ଟ୍ରକ ର ଡ୍ରାଇଭର ଚାପି ହୋଇ ରହିଯାଇଥିଲେ। \

ଖବର ପାଇ ଜାତୀୟ ରାଜପଥ କତୃପକ୍ଷ, ଫାୟାର ବିଭାଗ ଏବଂ ସ୍ଥାନୀୟ ଲୋକଙ୍କ ସହଯୋଗ ରେ କଟର ମେସିନ ଦ୍ବାରା ଗାଡ଼ିକୁ କଟାଯାଇ ଡ୍ରାଇଭର କୁ ଉଦ୍ଧାର କରାଯାଇ ବସ୍ତା ଡ଼ାକ୍ତରଖାନାକୁ ଅଣାଯାଇଥିବା ବେଳେ ଅଧିକ ଗୁରୁତର ଥିବାରୁ ବାଲେଶ୍ଵର ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା, ହେଲେ ସକାଳ ସମୟରେ ଡ୍ରାଇଭର ଜଣକ ମୃତ୍ୟୁ ବରଣ କରିଥିବା ଜଣାପଡିଛି।

ମୃତକ ହେଲେ ଘୁଣ୍ଟୁର ଜିଲ୍ଲା ଥାଡେପାଲି ଅଞ୍ଚଳ ର ଶ୍ରୀନୁ ଶଙ୍କୁରୁ,( ୪୩) ବୋଲି ଜଣାପଡିଛି। ବସ୍ତା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ତେବେ ରାତି ଅଧରେ ବେପରୁଆ ଗାଡିଚାଳନା ଯୋଗୁଁ ଦୂର୍ଘଟଣା ଘଟିଥିବା ଚର୍ଚ୍ଚା ହେଉଛି।