କରୋନା କବଳରେ ରୁଷ୍ ପ୍ରଧାନମନ୍ତ୍ରୀ ମିଖାଇଲ ମିଶୁସ୍ତିନ

ମହାମାରୀ କରୋନା ଭାଇରସ୍ କବଳରେ ରୁଷ୍ ପ୍ରଧାନମନ୍ତ୍ରୀ ମିଖାଇଲ ମିଶୁସ୍ତିନ l 54 ବର୍ଷୀୟ ମିଖାଇଲ ମିଶୁସ୍ତିନ ଗତ ଜାନୁଆରୀ ମାସରେ ରୁଷ୍ ର ପ୍ରଧାନମନ୍ତ୍ରୀ ଭାର ଗ୍ରହଣ କରିଥିଲେ l ଏ ନେଇ ରୁଷ୍ ରାଷ୍ଟ୍ରପତି ଭ୍ଲାଦିମିର୍ ପୁଟିନ୍ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି l ରୁଷ୍ ରେ ସର୍ବୋଚ୍ଚ ସ୍ତରୀୟ ସରକାରୀ କର୍ତ୍ତୃପକ୍ଷ ସଙ୍କ୍ରମିତ ହେବାର ଏହା ପ୍ରଥମ ଘଟଣା l ସେ ଏକାନ୍ତ ବାସରେ ରହିବେ ଏବଂ ଦେଶର ପ୍ରମୁଖ ଘଟଣା ସମ୍ପର୍କରେ ଯୋଗ ସୂତ୍ର ରଖିବେ ବୋଲି ରାଷ୍ଟ୍ରପତି ଭ୍ଲାଦିମିର ପୁଟିନ୍ ଙ୍କୁ ଜଣାଇଛନ୍ତି l ପ୍ରଧାନମନ୍ତ୍ରୀ ମିଖାଇଲ ମିଶୁସ୍ତିନ ଙ୍କ ସ୍ଥାନରେ ଉପପ୍ରଧାନମନ୍ତ୍ରୀ ଆନ୍ଦ୍ରେଇ ବେଲେଉସୋଭ ଅସ୍ଥାୟୀ ଭାବେ କାର୍ଯ୍ୟ କରିବେ l ରୁଷ୍ ପ୍ରଧାନମନ୍ତ୍ରୀ ମିଖାଇଲ ମିଶୁସ୍ତିନ କରୋନା ଆକ୍ରାନ୍ତ ଖବର ପାଇବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ ଜରିଆରେ ଆଶୁ ଆରୋଗ୍ୟ କାମନା କରିଛନ୍ତି l ସେ ଲେଖିଛନ୍ତି ଆଶୁ ଆରୋଗ୍ୟ ଏବଂ ଉତ୍ତମ ସ୍ୱାସ୍ଥ୍ୟ ପାଇଁ ରୁଷ ର ପ୍ରଧାନମନ୍ତ୍ରୀ ମିଖାଇଲ ମିଶୁସ୍ତିନ ଙ୍କ ପ୍ରତି ମୋର ଶୁଭ କାମନା l କରୋନା ମହାମାରୀ କୁ ପରାସ୍ତ କରିବା ପାଇଁ ଆମେ ଆମର ଘନିଷ୍ଟ ବନ୍ଧୁ ରୁଷ୍ କୁ ସମର୍ଥନ କରୁଛୁ l