ଦ୍ୱିତୀୟ ପର୍ଯ୍ୟାୟ ବିଧାନସଭା ନିର୍ବାଚନ; ସରିଲା ପ୍ରଚାର

ଓଡ଼ିଆ ନ୍ୟୁଜ,(ବ୍ୟୁରୋ):  ମଧ୍ୟପ୍ରଦେଶ-ଛତିଶଗଡ଼ରେ ଦ୍ୱିତୀୟ ପର୍ଯ୍ୟାୟ ବିଧାନସଭା ନିର୍ବାଚନ, ଆଜି ସରିବ ପ୍ରଚାର । ନଭେମ୍ବର 17 ରେ ମଧ୍ୟପ୍ରଦେଶର 230ଟି ବିଧାନସଭା ଆସନ ଏବଂ ଦ୍ୱିତୀୟ ପର୍ଯ୍ୟାୟରେ ଛତିଶଗଡରେ 70ଟି ଆସନ ପାଇଁ ମତଦାନ ହେବ ।

ଆଜି ସନ୍ଧ୍ୟା 6ଟା ପରେ ଉଭୟ ରାଜ୍ୟରେ ନିର୍ବାଚନ ପ୍ରଚାର ଶେଷ ହେବ । ଆଜି ନିର୍ବାଚନ ପ୍ରଚାରର ଶେଷ ଦିନରେ ଉଭୟ ରାଜ୍ୟର ସମସ୍ତ ଦଳ ନିଜର ସମ୍ପୂର୍ଣ୍ଣ ଶକ୍ତି ପ୍ରଦର୍ଶନ କରିବ ବୋଲି ଆଶା କରାଯାଉଛି । ଛତିଶଗଡର ପ୍ରଥମ ପର୍ଯ୍ୟାୟରେ 7 ନଭେମ୍ବରରେ 20ଟି ସିଟ୍ ପାଇଁ ଭୋଟିଂ ହୋଇଥିଲା । ନଭେମ୍ବର 17 ରେ ହେବାକୁ ଥିବା ବିଧାନସଭା ନିର୍ବାଚନ ଉପରେ ଏବେ ସମସ୍ତଙ୍କ ନଜର ।

ତେବେ ଏହାରି ଭିତରେ କଂଗ୍ରେସ ଏବଂ ବିଜେପି ମଧ୍ୟରେ ସିଧାସଳଖ ପ୍ରତିଯୋଗିତା ହେଉଥିବାର ଦେଖିବାକୁ ମିଳୁଛି, ଏଭଳି ପରିସ୍ଥିତିରେ ଏହି 2 ଦଳ ପ୍ରଚାର ଉପରେ ସର୍ବାଧିକ ଧ୍ୟାନ ଦେଉଛି । ଆଜି ଉଭୟ ଦଳର ହେବିୱେଟ୍ ନେତା ନିର୍ବାଚନ ପ୍ରଚାର ପାଇଁ ମୈଇଦାନକୁ ଓଲ୍ଲାହିଛନ୍ତି । ଆଜି ଏହି ନେତାମାନେ ସାଧାରଣ ସଭା, ସମାବେଶ ଏବଂ ରୋଡ୍ ସୋରେ ଅଂଶଗ୍ରହଣ କରି ଭୋଟରଙ୍କୁ ସେମାନଙ୍କ ସପକ୍ଷରେ ଆଣିବାକୁ ଚେଷ୍ଟା କରିବେ।