ମେସି ବିଭ୍ରାଟ, ବେଙ୍ଗଲ କ୍ରୀଡ଼ାମନ୍ତ୍ରୀଙ୍କ ଇସ୍ତଫା
ଓଡ଼ିଆ ନ୍ୟୁଜ୍: ମେସିଙ୍କ କାର୍ଯ୍ୟକ୍ରମ ବିଭ୍ରାଟ; ବେଙ୍ଗଲ କ୍ରୀଡ଼ାମନ୍ତ୍ରୀଙ୍କ ଇସ୍ତଫା। ଇସ୍ତଫା ଦେଲେ ବେଙ୍ଗଲ କ୍ରୀଡ଼ାମନ୍ତ୍ରୀ ଅରୁପ ବିଶ୍ବାସ।ବେଙ୍ଗଲ ପୋଲିସ ମହାନିର୍ଦ୍ଦେଶକଙ୍କୁ ସୋ କଜ୍।ବିଧାନନଗର ପୋଲିସ କମିଶନରଙ୍କୁ ମଧ୍ୟ ସୋ କଜ୍। ଉଭୟଙ୍କୁ ୨୪ ଘଣ୍ଟା ମଧ୍ୟରେ ରିପୋର୍ଟ କରିବାକୁ ନିର୍ଦ୍ଦେଶ। ବିଧାନନଗର ଡିସିପି ସସ୍ପେଣ୍ଡ୍, ବିଭାଗୀୟ ତଦନ୍ତ ଆରମ୍ଭ।
କୋଲକାତାର ସଲ୍ଟ ଲେକ୍ ଷ୍ଟାଡିୟମରେ ଲିଓନେଲ୍ ମେସିଙ୍କ ପ୍ରଦର୍ଶନକୁ ଉତ୍ସାହର ସହିତ ଅପେକ୍ଷା କରିଥିଲେ। ଅନେକ ପ୍ରଶଂସକ ମହଙ୍ଗା ଟିକେଟ୍ କିଣିଥିଲେ, କିନ୍ତୁ ଯେତେବେଳେ ମେସି ପହଞ୍ଚିଲେ, ତାଙ୍କୁ ଭିଆଇପିଙ୍କ ଭିଡ଼ ଘେରି ଯାଇଥିଲା। ମେସିଙ୍କ ଚାରିପାଖରେ ରାଜନେତା, ପୋଲିସ ଅଧିକାରୀ ଏବଂ ଭିଆଇପି ଘେରିଯାଇଥିଲେ | ଯେଉଁଥିପାଇଁ ପ୍ରଶଂସକ ତାଙ୍କୁ ଦେଖିପାରିନଥିଲେ। ଏହାପରେ କ୍ରୋଧିତ ପ୍ରଶଂସକମାନେ ଷ୍ଟାଡିୟମରେ ଭଙ୍ଗାରୁଜା କରିଥିଲେ।
ପରିସ୍ଥିତି ନିୟନ୍ତ୍ରଣ ବାହାରକୁ ଯିବା ପରେ, ପୋଲିସ ଲାଠିଚାର୍ଜ କରିଥିଲା। ଶୃଙ୍ଖଳା ଫେରାଇ ଆଣିବା ପାଇଁ ରାପିଡ୍ ଆକ୍ସନ୍ ଫୋର୍ସ (RAF) କର୍ମଚାରୀମାନଙ୍କୁ ନିୟୋଜିତ କରାଯାଇଥିଲା। ଉତ୍ତେଜନା ପରେ, ମେସି ନିର୍ଦ୍ଧାରିତ ସମୟ ପୂର୍ବରୁ ଷ୍ଟାଡିୟମ ଛାଡ଼ି ଚାଲିଯାଇଥିଲେ।