ସର୍ବାଧିକ ଆୟ କଲା ସୁପରହିଟ ସାଲାର

ଓଡ଼ିଆ ନ୍ୟୁଜ,(ବ୍ୟୁରୋ):  କେଜିଏଫ୍’ ଫେମ୍ ପ୍ରଶାନ୍ତ ନୀଲ ଆଉ ଏକ କ୍ରାଇମ୍, ଆକ୍ସନ୍ ଥ୍ରୀଲର ଫିଲ୍ମ ସହ ବ୍ୟାକ୍ କରିଛନ୍ତି । ପ୍ରଭାସ ଏବଂ Prithviraj Sukumaranଙ୍କ ମୁଖ୍ୟ ଭୂମିକାରେ ଅଭିନୟ କରିଥିବା ଫିଲ୍ମ ‘ସାଲାର ପାର୍ଟ 1’ ଡିସେମ୍ବର 22 ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିଛି । ଏହି କ୍ରାଇମ ଥ୍ରୀଲର ଚଳଚ୍ଚିତ୍ର କାଳ୍ପନିକ ସହର ଖାନସାର ଉପରେ ଆଧାରିତ ।

ଏହି ଫିଲ୍ମକୁ ନେଇ ପ୍ରଶଂସକଙ୍କ ମଧ୍ୟରେ ଜବରଦସ୍ତ କ୍ରେଜ୍ ଦେଖିବା ପାଇଁ ମିଳିଛି । ଯାହା ଏକ ବଡ଼ ପ୍ରମାଣ ଯେ ଏହି ସିନେମାଟି ଆଗକୁ ରାଜ୍ କରିବା ପାଇଁ ଯାଉଛି । ଗତକାଲି ପ୍ରଭାସଙ୍କ ‘ସାଲାର: ପାର୍ଟ ୱାନ୍- ସିଜଫାୟାର୍’ ରିଲିଜ୍ ହୋଇଛି। ଏହି ଫିଲ୍ମ ରିଲିଜ୍ ସହ ଚଳିତ ବର୍ଷ ବହୁ ସୁପରହିଟ୍ ସିନେମାକୁ ପଛରେ ପକାଇ ଦେଇଛି ‘ସାଲାର’। ରିପୋର୍ଟ ଅନୁସାରେ, ଘରୋଇ ବକ୍ସ ଅଫିସରେ ସାଲାର ପ୍ରଥମ ଦିନରେ 95 କୋଟି ଆୟ କରିଛି। ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ସବୁଠୁ ଅଧିକ ରୋଜଗାର ହୋଇଛି।

ଏଠାରେ 70 କୋଟି ଆୟ ହୋଇଥିବା ବେଳେ ଆୟର 88.93 ପ୍ରତିଶତ ତେଲୁଗୁ ଭାଷାଭାଷି ଅଞ୍ଚଳରୁ ହୋଇଛି। ପ୍ରଶାନ୍ତ ନୀଳ ସିନେମାର ନିର୍ଦ୍ଦେଶନା ଦଇଛନ୍ତି। ମୁଖ୍ୟ ଭୂମିକାରେ ପ୍ରଭାସଙ୍କ ବ୍ୟତୀତ ଶ୍ରୁତି ହାସନ, ପୃଥ୍ୱୀରାଜ ସୁକୁମାରନ୍ ଅଭିନୟ କରିଛନ୍ତି। ତେଲୁଗୁ, ତାମିଲ, ମାଲୟାଲମ, କନ୍ନଡ ଏବଂ ହିନ୍ଦି ଭାଷାରେ ରିଲିଜ୍ ହୋଇଛି ‘ସାଲାର’।