ଜେଲ ୱାର୍ଡରଙ୍କ ସନ୍ଦେହଜନକ ମୃତ୍ୟୁ

ଓଡ଼ିଆ ନ୍ୟୁଜ, (ବ୍ୟୁରୋ): କେନ୍ଦ୍ରାପଡା ବାରିମୂଳ ଜେଲ୍ ର ୱାଡେନ୍ ବିଜୟ ପରିଡାଙ୍କର ସନ୍ଧେହଜନକ ଭାବେ ମୃତ୍ୟୁ ଘଟିଛି | ଜେଲ୍ ନିକଟରେ ଥିବା ବାରାକ୍ ରେ ବିଜୟଙ୍କ ମୃତଦେହ ଝୁଲନ୍ତା ଅବସ୍ଥାରେ ଠାବ ହୋଇଛି | ଶୁକ୍ରବାର ସନ୍ଧ୍ୟାରେ ତାଙ୍କ ସହକର୍ମୀ ମାନେ ବିଜୟଙ୍କୁ ବାରାକ୍ ର ପଙ୍ଖାରେ ଝୁଲୁଥିବା ଅବସ୍ଥାରେ ଦେଖିଥିଲେ | ବିଜୟଙ୍କର୍ ଶୁକ୍ରବାର ଦିନ ୧୨ଟାରେ ଡିୟୁଟି ଶେଷ ହୋଇଥିଲା | ଡିଉଟି ସାରି ସେ ନିଜ ବାରାକ୍ କୁ ଫେରିଆସିଥିଲେ |

ସନ୍ଧ୍ଯାରେ ଅନ୍ୟମାନେ ଡିଉଟି ସାରି ଫେରିବା ପରେ ବିଜୟ ଙ୍କୁ ପଙ୍ଖା ରେ ଝୁଲି ପଡିଥିବା ଦେଖିବାକୁ ପାଇଥିଲେ | ତେବେ ବିଜୟଙ୍କ ମୃତ୍ୟୁର କାରଣ ଜଣାପଡି ନାହିଁ | ତାଙ୍କ ଘର ଆଠଗଡ଼ ର ଗୁରିଡିଝାଟିଆ ରେ ବୋଲି ଜଣାପଡିଛି | ଖବର ପାଇ ତାଙ୍କ ପରିବାର ଲୋକେ କେନ୍ଦ୍ରାପଡା ରେ ପହଞ୍ଚନ୍ତି | ତେବେ ବିଜୟ ଆତ୍ମହତ୍ୟା କରି ନାହାଁନ୍ତି ବରଂ ତାଙ୍କୁ ହତ୍ୟା କରାଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି | ବିଜୟ ଙ୍କ ମୃତ୍ୟୁ ଏକ ପ୍ରେମ ଜନିତ ହତ୍ୟାକାଣ୍ଡ ବୋଲି ପରିବାର ଲୋକେ କହିଛନ୍ତି | ବିଜୟ ବିବାହିତ ହୋଇଥିବା ବେଳେ ତାଙ୍କର ଏକ 3ବର୍ଷର ଝିଅ ଅଛି |

ବିବାହ ପୂର୍ବରୁ ନିକଟ କପୁରସିଂ ଅଞ୍ଚଳର ଏକ ଝିଅ ରଶ୍ମିରେଖା ସହିତ ପ୍ରେମ ସମ୍ପର୍କ ଥିଲା ପରବର୍ତ୍ତୀ ସମୟରେ ବିଜୟ ଙ୍କୁ ବ୍ଲାକମେଲ କରିବା ସହିତ ବିଭିନ୍ନ ସମୟରେ ମାନସିକ ନିର୍ଯ୍ୟାତନା ଦେଉଥିଲେ| ଏମିତି କି ରଶ୍ମିରେଖା ଓ ତାଙ୍କ ପରିବାର କେନ୍ଦ୍ରାପଡ଼ା ଜେଲ ପାଖକୁ ଆସି ବିଜୟ ଙ୍କୁ ମାଡ଼ ମାରିବା ସହିତ ଧମକ ମଧ୍ୟ ଦେଉଥିଲେ ବୋଲି ବିଜୟ ଙ୍କ ଦାଦା ଅଭିଯୋଗ କରିଛନ୍ତି | ବିଜୟ ଙ୍କ ମୃତ୍ୟୁ ପଛରେ ରଶ୍ମିରେଖା ଓ ତାଙ୍କ ପରିବାର ହାତ ଥିବା କହିଛନ୍ତି ବିଜୟ ଙ୍କ ପରିବାର ଲୋକେ | ତେବେ ଘଟଣାସ୍ଥଳରେ କେନ୍ଦ୍ରାପଡ଼ା ସଦର ପୋଲିସ,ସାଇଣ୍ଟିଫିକ ଟିମ ଓ ଜେଲ ବିଭାଗୀୟ ଅଧିକାରୀ ପହଂଚି ଅଧିକ ତଦନ୍ତ ଚଳାଇଛି |