ସୋଆରେ ଆରମ୍ଭ ହେବ ସର୍ବବୃହତ ବିଶାଳ ସାହିତ୍ୟ ମହାକୁମ୍ଭ
ଓଡ଼ିଆ ନ୍ୟୁଜ,(ବ୍ୟୁରୋ): ତିନି ଦିନିଆ ଦ୍ୱିତୀୟ ସୋଆ ସାହିତ୍ୟ ମହୋତ୍ସବ ପରି ଭାରତୀୟ କଳା, ସଂସ୍କୃତି ଏବଂ ସାହିତ୍ୟର ସମସାମୟିକ ଧାରା ବିଷୟରେ ଆଲୋଚନା କରିବା ପାଇଁ ଦେଶର ବିଭିନ୍ନ ପ୍ରାନ୍ତରୁ 250 ରୁ ଅଧିକ ବିଶିଷ୍ଟ ସାହିତ୍ୟିକ, ଚଳଚ୍ଚିତ୍ର ଏବଂ ଥିଏଟର ବ୍ୟକ୍ତିତ୍ୱ ଏବଂ କଳାକାରଙ୍କ ଏକ ଗାଲାକ୍ସି ଏକ ପ୍ଲାଟଫର୍ମରେ ଏକତ୍ରିତ ହେବେ | ନଭେମ୍ବର 24, ଶୁକ୍ରବାର ଦିନ ଭୁବନେଶ୍ୱରରେ ଯାତ୍ରା କରିବାକୁ ପ୍ରସ୍ତୁତ ।
ଶିକ୍ଷା ଓ ଅନୁସନ୍ଧାନ (ସୋଆ) ପକ୍ଷରୁ ପ୍ରାଚୀନ (ପ୍ରିଜରଭେସନ୍, ପ୍ରୋପାଗେସନ୍ ଆଣ୍ଡ୍ ରେଷ୍ଟୋରେସନ୍ ଅଫ୍ ଆନ୍ସିଏଣ୍ଟ କଲ୍ଚର୍ ଆଣ୍ଡ୍ ହେରିଟେଜ୍ ଅଫ୍ ଇଣ୍ଡିଆ) ଦ୍ୱାରା ଆୟୋଜିତ ଏହି ଉତ୍ସବ ଭାରତ ବର୍ଷର ଏକ ଅନନ୍ୟ ଉତ୍ସବ । ଯେଉଁଠି କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଦେଶର ୨୪ଟି ଭାଷାରୁ ୨୧ଟି ଭାଷାର ବିଭିନ୍ନ କବି, ଲେଖକ ଯୋଗଦେବେ । ସମସ୍ତେ ଭିନ୍ନ ସହରରୁ ଏବଂ ଭିନ୍ନ ଭିନ୍ନ ଭାଷାରୁ ପ୍ରତିନିଧିତ୍ୱ କରିବେ ଓ ନିଜ ମତ ରଖିବେ । ସାହିତ୍ୟର ଏହି ମହାକୁମ୍ଭରେ ସାମିଲ ହୋଇ ମାନସମନ୍ଥନ କରିବେ । ବୁଧବାର ଅପରାହ୍ଣରେ ଏକ ସାମ୍ବାଦିକ ସମ୍ମିଳନୀରେ ପ୍ରାଚୀନର ମୁଖ୍ୟ ଡ. ଗାୟତ୍ରୀବାଳା ପଣ୍ଡା ଉତ୍ସବ ସମ୍ପର୍କରେ ସବିଶେଷ ସୂଚନା ଦେଇଛନ୍ତି ।
ଡ. ପଣ୍ଡା କହିଛନ୍ତି, ଦେଶର ଭାଷା, ସାହିତ୍ୟ, ସଂସ୍କୃତି, କଳା, ମଞ୍ଚ ଓ ଚଳଚ୍ଚିତ୍ର ସହ ଜଡ଼ିତ ପ୍ରାୟ ୨୫୦ରୁ ଅଧିକ ଉଜ୍ଜ୍ୱଳ ତାରକା ଯୋଗଦେବେ । ଓଡ଼ିଶା ବାହାରୁ ୭୫ ଜଣ ସ୍ୱତନ୍ତ୍ର ନିମନ୍ତ୍ରିତ ଅତିଥି ଯୋଗଦେବେ । ଯେଉଁମାନଙ୍କ ମଧ୍ୟରେ ଓଡ଼ିଶା ସମେତ ଦେଶର ବିଭିନ୍ନ ପ୍ରାନ୍ତରୁ ବିଶିଷ୍ଟ ସାହିତ୍ୟିକ, ଗାଳ୍ପିକ, କବି, ସମାଲୋଚକ, ଐତିହାସିକ, ଅନୁବାଦକ, ଭାଷ୍ୟକାର, ଭାଷାବିତ୍, ଗବେଷକ, ସାମ୍ବାଦିକ ଓ ଚିତ୍ରକର ସାମିଲ ହେବେ । ସେମାନେ ଓଡ଼ିଶା ସମେତ ଭାରତୀୟ କଳା, ସଂସ୍କୃତି ଓ ସାହିତ୍ୟ ସମ୍ପର୍କରେ ଆଲୋଚନା କରିବେ । ଦେଶର ୧ନଂ ବିଶ୍ୱବିଦ୍ୟାଳୟ ‘ସୋଆ’ ପକ୍ଷରୁ ଆୟୋଜିତ ଏହି ଉତ୍ସବର ଚଳିତ ବର୍ଷ ବିଷୟ ରହିଛି³ ‘ଭାରତୀୟ ସଂସ୍କୃତି, ସମାଜ ଓ ସାହିତ୍ୟ: ସମ୍ଭାବନା ଓ ଆହ୍ୱାନ’ ।