ଦିନିକିଆ ବିଶ୍ୱକପ ପରେ ବିଦାୟ ନେଇଛନ୍ତି କ୍ରିକେଟର

ଓଡ଼ିଆ ନ୍ୟୁଜ, (ବ୍ୟୁରୋ): ଅଚାନକ ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଛନ୍ତି ଜଣେ ଷ୍ଟାର ଅଲରାଉଣ୍ଡର । ସୋସିଆଲ ମିଡିଆରେ ଏକ ଛୋଟ ପୋଷ୍ଟ କରି ସେ ହଠାତ୍ କ୍ରିକେଟରୁ ସନ୍ନ୍ୟାସ ଘୋଷଣା କରିଛନ୍ତି । ସୋସିଆଲ ମିଡିଆରେ ତାଙ୍କର ଏହି ଇମୋସନାଲ ପୋଷ୍ଟ କରି କ୍ରିକେଟର ସମସ୍ତ ଫର୍ମାଟରୁ ବିଦାୟ ନେଇଛନ୍ତି ଏହି ଷ୍ଟାର ଅଲରାଉଣ୍ଡର ।

ବିଶ୍ୱକପ ପରେ ପରେ ସେ ଅଚାନକ ଏଭଳି ନିଷ୍ପତ୍ତି ନେଇ ସମସ୍ତଙ୍କୁ ଚକିତ କରି ଦେଇଛି । କ୍ରିକେଟ କ୍ୟାରିୟରରେ ସପୋର୍ଟ କରିଥିବା ସମସ୍ତ ଫ୍ୟାନ୍ସଙ୍କୁ ଧନ୍ୟବାଦ ଦେଇ କ୍ରିକେଟ ଜଗତରୁ ସେ ବିଦାୟ ନେଇଛନ୍ତି ।ଶୁକ୍ରବାର ଦିନ 50 ଓଭର ବିଶ୍ୱକପ ଦଳରୁ ବାଦ ପଡିବା ପରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି, ପାକିସ୍ତାନର ଷ୍ଟାର ଅଲରାଉଣ୍ଡର ଇମାଦ ୱାସିମ । ୱେଲ୍ସରେ ଜନ୍ମ ହୋଇଥିଲେ ଏବଂ 34 ବର୍ଷ ବୟସରେ, ଇମାଦ୍ ଭାରତରେ ଅନୁଷ୍ଠିତ ବିଶ୍ୱକପ ପାଇଁ ମହମ୍ମଦ ନୱାଜଙ୍କ ସ୍ଥାନରେ ତାଙ୍କ ସ୍ଥାନ ପାଇଥିଲେ। ଦଳରେ ଅନେକ ଖେଳାଳିଙ୍କ ସହ ତାଙ୍କର ସମ୍ପର୍କ ମଧ୍ୟ ଭଲ ନଥିଲା । ତେବେ ନିକଟରେ ଶେଷ ହୋଇଥିବା ଦିନିକିଆ ବିଶ୍ୱକପରେ ମଧ୍ୟ ତାଙ୍କୁ ପାକିସ୍ତାନ ଟିମରେ ସ୍ତାନ ମିଳି ନଥିଲା ।

ତେଣୁ ବିଶ୍ୱକପ ସରିବା ମାତ୍ରେ କ୍ରିକେଟରୁ ବିଦାୟ ନେଇଛନ୍ତି ଇମାଦ । ସୋସିଆଲ ମିଡିଆରେ ଏକ ପୋଷ୍ଟ କରି ସେ ସନ୍ନ୍ୟାସ ନେଇ ଘୋଷଣା କରିଛନ୍ତି । ସେ କହିଛନ୍ତି, ଯେ କିଛି ଦିନରୁ ମୋ ଅନ୍ତର୍ଜାତୀୟ କ୍ରିକେଟକୁ ନେଇ ଚିନ୍ତା କରୁଥିଲି । କିନ୍ତୁ ବର୍ତ୍ତମାନ କ୍ରିକେଟରୁ ଅବସର ନେବାର ଉଚିତ ସମୟ ବୋଲି ମୋତେ ଅନୁଭବ ହେଉଛି । ପ୍ରକିସ୍ତାନ କ୍ରିକେଟ ବୋର୍ଡ ତରଫରୁ ମୋତେ ମୋ କ୍ରିକେଟ କ୍ୟାରିୟରରେ ମିଳିଥିବା ସମର୍ଥନ ପାଇଁ ଧନ୍ୟବାଦ ଦେବାକୁ ଚାହୁଁଛି ।