ପୋଖରୀରୁ ମହିଳାଙ୍କ ମୃତଦେହ ଉଦ୍ଧାର

ଓଡ଼ିଆ ନ୍ୟୁଜ,(ବ୍ୟୁରୋ): ପୋଖରୀରୁ ମହିଳାଙ୍କ ମୃତଦେହ ଉଦ୍ଧାର।କାରଣ ଅସ୍ପଷ୍ଟ | ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ବରଣ୍ଡୁଆ ପଞ୍ଚାୟତ ରତାଙ୍ଗ ଗ୍ରାମର ଏକ ପୋଖରୀରୁ ଜଣେ ବିବାହିତା ମହିଳାଙ୍କ ମୃତଦେହ ଉଦ୍ଧାର କରିଛି ବାସୁଦେବପୁର ଅଗ୍ନିଶମ ବାହିନୀ।

ସୂଚନା ଅନୁସାରେ ରତାଙ୍ଗ ଗ୍ରାମ ଦାଶସାହି ବାବାଜୀ ଦାଶଙ୍କ ବୋହୁଙ୍କ ମୃତଦେହ ଆଜି ସକାଳେ ନିକଟସ୍ଥ ଏକ ପୋଖରୀରୁ ଉଦ୍ଧାର ହୋଇଥିବା ଜଣାଯାଇଛି।ଗତ ଏକ ବର୍ଷ ହେବ ତାଙ୍କର ବିବାହ ହୋଇଥିଲା।ଆଜି ସକାଳୁ ବୋହୁ ଘରେ ନ ଥିବାର ଦେଖି ଖୋଜାଖୋଜି କରିଥିଲେ ପରିବାର ଲୋକେ।

ଘର ନିକଟରେ ଥିବା ଏକ ପୋଖରୀରେ ପଡିଥିବାର ସନ୍ଦେହ କରି ଖୋଜାଖୋଜି କରିବା ସହ ଅଗ୍ନିଶମ ବାହିନୀକୁ ଖବର ଦେଇଥିଲେ ଗ୍ରାମବାସୀ।ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ପୋଖରୀ ଭିତରୁ ବୋହୁର ମୃତଦେହ ଉଦ୍ଧାର କରିଥିଲେ।ମୃତ୍ୟୁର କାରଣ ଅସ୍ପସ୍ଟ ଥିଲାବେଳେ ବାସୁଦେବପୁର ପୋଲିସ ୨ ଜଣଙ୍କୁ ଅଟକ ରଖି ତଦନ୍ତ କରୁଥିବା ଜଣାଯାଇଛି।