ନାବାଳିକାକୁ ବସରେ ଅସଦାଚରଣ, ସିସିଟିଭିରୁ ବସକୁ ଚିହ୍ନଟ କରି ତଦନ୍ତ ଜୋରାଦାର କଲା ପୋଲିସ

ଓଡ଼ିଆ ନ୍ୟୁଜ୍(ବ୍ୟୁରୋ): ନାବାଳିକା କୁ ଅସଦାଚରଣ ଘଟଣା। ସିସିଟିଭିରୁ ବସ ଚିହ୍ନଟ। କଣ୍ଡକ୍ଟର ଫେରାର। ଉକ୍ତ ବସ ଟି ପ୍ରତିଦିନ କଟକରୁ ଅନୁଗୋଳ ଯାତାୟାତ କରିଥାଏ। ପୋଲିସ ସିସି ଟିଭି ଯାଞ୍ଚ କରିଛି । ବସ ଚିହ୍ନଟ  ପରେ ଅଭିଯୁକ୍ତ କଣ୍ଡକ୍ଟର ଫୋରାର ହୋଇଯାଇଥିବା ଜଣା ପଡ଼ିଛି। ସୂଚନା ମୁତାବକ ଶ୍ରୁକ୍ରବାର ଅପରାହ୍ନ ପ୍ରାୟ ୪ଟା ସମୟରେ ଜଣେ ବ୍ୟକ୍ତି ତାଙ୍କ ୧୬ ବର୍ଷୀୟ ଝିଅକୁ ଧରି ଏକ ବ୍ୟାଟେରୀ ଗାଡିରେ ବାଦାମ ବାଡ଼ି ଆସୁଥିଲେ। ତେବେ ଲିଙ୍କ ରୋଡ଼ ନିକଟରେ ତାଙ୍କ ଗାଡିର ଚାର୍ଜ ସାରିଯାଇଥିଲା। ବ୍ୟକ୍ତି ଜଣକ ଝିଅକୁ ରାସ୍ତା କଡ଼ରେ ଛିଡା କରାଇ ନିକଟସ୍ଥ ଏକ ଦୋକାନକୁ  ବ୍ୟାଟେରୀ ଚାର୍ଜ କରିବା ଲାଗି ଗାଡିଧରି ଯାଇଥିଲେ।

ଏତିକି ବେଳେ ନାବାଳିକା ଛିଡା ହୋଇଥିବା ସ୍ଥାନରେ ଏକ ଘରୋଇ ବସ ଆସି ଲାଗିଥିଲା। ଗାଡି ଟି ବାଦାମ ବାଡ଼ି ଅଭିମୁଖେ ଯାଉଥିବାରୁ ନାବାଳିକା ସେହି ବସରେ ଚଢି ଯାଇଥିଲେ। ଗାଡି ଭିତରେ ଏକୁଟିଆ ଦେଖି ବସର କଣ୍ଡକ୍ଟର ନାବାଳିକା ସହିତ ଅସଦାଚରଣ କରିଥିଲେ। ଅଭିଯୁକ୍ତ ଜଣଙ୍କ ବଳପୂର୍ବକ ଝିଅକୁ ଗାଡି ଭିତରକୁ ଟାଣି ନେଇଥିଲେ ବୋଲି ଏତଲାରେ ଦର୍ଶାଯାଇଛି। ଶନିବାର ବାଦାମବାଡ଼ି ପୋଲିସ ଉକ୍ତ ଗାଡିର ମାଲିକଙ୍କୁ ପଚରାଉଚରା କରିଛି। ତାଙ୍କ ଠାରୁ ଅଭିଯୁକ୍ତ କଣ୍ଡକ୍ଟର, ଡ୍ରାଇଭର ସମେତ ଘଟଣା ସମୟରେ ବସ ରେ ଉପସ୍ଥିତ ଅନ୍ୟ କର୍ମଚାରୀଙ୍କ ପରିଚୟ ଓ ଠିକଣା ହାସଲ କରିଛି।