ସାମ୍ନାକୁ ଆସିଲା ‘War2’ର ରିଲିଜ୍ ଡେଟ୍
ଓଡ଼ିଆ ନ୍ୟୁଜ,(ବ୍ୟୁରୋ): ବଲିଉଡ ଅଭିନେତା ହ୍ରିତିକ ରୋଶନ ଏବଂ ସାଉଥ ସୁପରଷ୍ଟାର ଜୁନିଅର ଏନଟିଆର ପ୍ରଶଂସକଙ୍କ ପାଇଁ ଏକ ବଡ଼ ଖୁସି ଖବର । ୟଶ ରାଜ ସ୍ପାଏ ୟୁନିଭର୍ସର ଆକ୍ସନ୍-ଥ୍ରୀଲର ଚଳଚ୍ଚିତ୍ର ‘ୱାର ୨’ର ରିଲିଜ୍ ତାରିଖ ଆଜି (୨୯ ନଭେମ୍ବର)ରେ ଘୋଷଣା ହୋଇଛି ।
ଚଳଚ୍ଚିତ୍ର ସମାଲୋଚକ ତରନ ଆଦର୍ଶ ଟ୍ୱିଟ୍ କରି ଫିଲ୍ମର ଅଫିସିଆଲ୍ ରିଲିଜ୍ ତାରିଖ ଘୋଷଣା କରିଛନ୍ତି। ଟ୍ୱିଟ୍ କରିଛନ୍ତି- ‘YRF ସ୍ପାଏ ୟୁନିଭର୍ସର ଷଷ୍ଠ ଚଳଚ୍ଚିତ୍ର ୱାର-୨ ର ରିଲିଜ୍ ତାରିଖ ପ୍ରକାଶ ପାଇଛି। ଅୟାନ ମୁଖାର୍ଜୀଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରଟି ଅଗଷ୍ଟ ୧୪, ୨୦୨୫ ରେ ମୁକ୍ତିଲାଭ କରିବ। YRF ଏହି ଚଳଚ୍ଚିତ୍ର ନିର୍ମାଣ କରୁଛି । ପ୍ରେକ୍ଷାଳୟରେ ଏହି ଚଳଚ୍ଚିତ୍ର ଦେଖିବା ପାଇଁ ସେମାନଙ୍କୁ କିଛି ସମୟ ଅପେକ୍ଷା କରିବାକୁ ପଡିବ । ଏଥର ହ୍ରିତିକ ରୋଶନଙ୍କ ବ୍ୟତୀତ ଜୁନିଅର ଏନଟିଆର ଏବଂ କିଆରାଙ୍କୁ ମଧ୍ୟ ‘ୱାର ୨’ରେ ଦେଖିବାକୁ ମିଳିବ। ‘ୱାର ୨’ ବ୍ୟତୀତ ହ୍ରିତିକଙ୍କ ଫିଲ୍ମ ‘ଫାଇଟର୍’ ମଧ୍ୟ ରହିଛି।
ଫିଲ୍ମ ‘ଫାଇଟର୍’ ଆସନ୍ତା ବର୍ଷ ୨୫ ଜାନୁୟାରୀ ୨୦୨୪ରେ ମୁକ୍ତିଲାଭ କରିବ। ଏଥିରେ ଦୀପିକା ପାଦୁକୋନ ହ୍ରିତିକଙ୍କ ସହ ମୁଖ୍ୟ ଭୂମିକାରେ ନଜର ଆସିବେ। ଫିଲ୍ମର ସେଟରୁ ଅନେକ ଫଟୋ ସାମ୍ନାକୁ ଆସିଛି। ଯେଉଁଥିରେ ଉଭୟଙ୍କ ମଧ୍ୟରେ ଦମ୍ଦାର କେମେଷ୍ଟ୍ରୋ ଦେଖିବାକୁ ମିଳିଛି । ପ୍ରଥମ ଥର ପାଇଁ ଦୀପିକା ଏବଂ ହ୍ରିତିକଙ୍କୁ ଏକାଠି ଦେଖିବାକି ମିଳିବ।