ଆସନ୍ତାକାଲି ଖ୍ରୀଷ୍ଟମାସ: ପ୍ରଭୁ ଯୀଶୁଙ୍କ ସ୍ୱାଗତ ପାଇଁ ରାଜ୍ୟ ବିଭିନ୍ନ ଚର୍ଚ୍ଚରେ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ

ଓଡ଼ିଆ ନ୍ୟୁଜ୍(ବ୍ୟୁରୋ):  ଆସନ୍ତାକାଲି ଖ୍ରୀଷ୍ଟମାସ । ବଡ଼ଦିନ ପାଳନ କରିବାକୁ ଲୋକଙ୍କ ମଧ୍ୟରେ ବଡ଼ ଉତ୍ସାହ । ପ୍ରଭୁ ଯୀଶୁଙ୍କ ସ୍ୱାଗତ ପାଇଁ ରାଜ୍ୟ ବିଭିନ୍ନ ଚର୍ଚ୍ଚରେ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ । ରଙ୍ଗୀନ ଆଲୋକମାଳାରେ ସଜେଇ ହୋଇଛି ସମସ୍ତ ଚର୍ଚ୍ଚ । କରୋନା କଟକଣା ପାଇଁ ଦୁଇବର୍ଷ ଧରି ବନ୍ଦ ଥିଲା । ଏବର୍ଷ ସର୍ବସାଧାରଣଙ୍କ ପାଇଁ ଖୋଲା ରହିଛି ଚର୍ଚ୍ଚ । ବଡଦିନ କିଭଳି ଶାନ୍ତିଶୃଙ୍ଖଳାର ସହ ହେବ ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।

ସେପଟେ ଦିଲ୍ଲୀର ସାକ୍ରେଡ ହାର୍ଟ କ୍ୟାଥେଡ୍ରଲ ଚର୍ଚ୍ଚରେ ପହଞ୍ଚିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ରାଷ୍ଟ୍ରପତି ପହଞ୍ଚିଥିବା ପରେ ପିଲା ମାନେ ଖ୍ରୀଷ୍ଟମାସ ଗୀତ ଗାଇଥିଲେ । ଏହା ପରେ ପ୍ରଭୂଙ୍କ ନିକଟରେ ପ୍ରାର୍ଥନା କରିବା ସହ ପିଲାମାନଙ୍କୁ ଖ୍ରୀଷ୍ଟମାସ ଉପହାର ଦେଇଥିଲେ ଦ୍ରୌପଦୀ ମୁର୍ମୁ ।