ଦିୱାଲିରେ ତ୍ରିପଲ୍ ଧମାକା

ଓଡ଼ିଆ ନ୍ୟୁଜ,(ବ୍ୟୁରୋ):  ବଲିଉଡର ଭାଇଜାନ୍ ସଲମାନ ଖାନ୍ । ଦୀପାବଳୀରେ ଟାଇଗର-୩ରେ ହେବାକୁ ଯାଉଛି ତ୍ରିପଲ୍ ଧମାକା । ସଲମାନ ଖାନଙ୍କ ସହ କ୍ୟାମେରେ ନଜର ଆସିବେ କିଙ୍ଗ୍ ଖାନ୍ ଶାହରୁଖ ଖାନ୍ ଓ ହାଣ୍ଡସମ୍ ହଙ୍କ ହିତ୍ରିକ୍ ରୋଶନ୍ । ଦୀର୍ଘଦିନ ପରେ ଗୋଟିଏ ପରଦାରେ ଏକାସାଙ୍ଗରେ ତିନି ସୁପରଷ୍ଟାର ।

ଦୀପାବଳି ଅବସରରେ ନଭେମ୍ବର ୧୨ରେ ଫିଲ୍ମ ଟାଇଗର-୩ ରିଲିଜ ହେବାକୁ ଯାଉଛି । କାଲି ଠାରୁ ଆରମ୍ଭ ହେବ ଫିଲ୍ମର ଆଡଭାନ୍ସ ବୁକିଂ । ଆନ୍ତର୍ଜାତୀୟ ବଜାରରେ ଟାଇଗର ୩ର ଆଡଭାନ୍ସ ବୁକିଂ ଆରମ୍ଭ ହୋଇସାରିଛି । ବ୍ରିଟେନ୍, ୟୁଏଇ ଏବଂ ଯୁକ୍ତରାଷ୍ଟ୍ରରେ ବହୁତ ଭଲ ବୁକିଂ ହୋଇସାରିଛି । ନିର୍ମାତା ମାନେ ଏହାକୁ ଭାରତର ଗୋଟିଏ ଦିନ ପୂର୍ବରୁ ଆମେରିକା ଏବଂ କାନାଡାରେ ମୁକ୍ତି କରିବାକୁ ପ୍ଲାନ କରୁଛନ୍ତି । ଏହାରି ଭିତରେ ସୂଚନା ପ୍ରକାଶ ପାଇଛି, ୧୨ ନଭେମ୍ବର ରବିବାର ସକାଳ ୭ଟାରୁ ଶୋ ଦେଖାଇବାକୁ ୟଶ ରାଜ ଫିଲ୍ମସ ନିଷ୍ପତି ନେଇଛନ୍ତି ।

ଟାଇଗର-୩ରେ ସଲମାନ ଖାନଙ୍କ ସହ କ୍ୟାଟ୍ରିନା କୈଫ ଏବଂ ଇମ୍ରାନ ହାଶ୍ମୀ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମରେ ଭିଲେନ୍ ଭୂମିକାରେ ଇମ୍ରାନ ହାଶ୍ମୀଙ୍କୁ ଦେଖିବା ପାଇଁ ପ୍ରଶଂସକ ମାନେ ଅପେକ୍ଷା କରିଛନ୍ତି ।