ମଦ ମାଫିଆଙ୍କ ଆକ୍ରମଣରେ ଦୁଇ ପୋଲିସ ଏସଆଇ ଆହତ
ଓଡିଆ ନ୍ୟୁଜ୍ (ବ୍ୟୁରୋ) : ଦିନକୁ ଦିନ ବଢି ଚାଲୁଛି ଅପରାଧ । ପୋଲିସ୍ ଯେତେ ଚାଲାକ୍ ହେଉନା କାହିଁକି , ପୋଲିସ୍ ଆଖିରେ ଧୂଳି ଦେଇ ଅପରାଧୀ ଘଟାଉଛି ଅଭାବନୀୟ କାଣ୍ଡ । ଏମିତିକି ପୋଲସକୁ ଆକ୍ରମଣ କରିବାକୁ ମଧ୍ୟ ପଛାଉ ନାହିଁ । ମଦ ମାଫିଆଙ୍କ ଆକ୍ରମଣରେ ଦୁଇ ପୋଲିସ ଏସଆଇ ଆହତ ହୋଇଥିବା ସୂଚନା ମିଳିଛି । ଘଟଣା ଘଟିଛି ଭଦ୍ରକ ଜିଲ୍ଲା ଇଛାପୁରରେ ଥିବା ଏକ ହୋଟେଲରେ। ରେଡ୍ ପାଇଁ ଯାଇଥିବା ବେଳେ ପୁଲିସ ଉପରକୁ ଆକ୍ରମଣ କରିଛନ୍ତି ମଦ ମାଫିଆ। ମଦ ମାଫିଆଙ୍କ ଆକ୍ରମଣରେ ଦୁଇ ପୁଲିସ ଏସ୍ଆଇ ଆହତ ହୋଇଛନ୍ତି। ସେମାନେ ହେଲେ ପୁଲିସ ଏସଆଇ ରାମଚନ୍ଦ୍ର ପାତ୍ର ଓ ଏସଆଇ ଜୟଶ୍ରୀ ଦାସ।
ସୂଚନା ଅନୁସାରେ, ଇଛାପୁରରେ ଥିବା ଏକ ହୋଟେଲରେ ଚୋରା ଦେଶୀ ଓ ବିଦେଶୀ ମଦ ବେପାର ଚାଲିଥିବା ସ୍ଥାନୀୟ ଲୋକେ ପୁଲିସ ନିକଟରେ ଅଭିଯୋଗ କରି ଆସୁଥିଲେ। ଗତକାଲି ସେଠାର ମଦ ବିକ୍ରି ହେଉଥିବା ସାବରଙ୍ଗ ଥାନା ପୁଲିସ କୌଣସି ସୂତ୍ରରୁ ଖବର ପାଇଥିଲା। ପରେ ପୁଲିସ ଏସ୍ଆଇ ରାମଚନ୍ଦ୍ର, ଜୟଶ୍ରୀଙ୍କ ସମେତ ପୁଲିସ ଟିମ୍ ଘଟଣାସ୍ଥଳରେ ପହଞ୍ଚିଥିଲେ। ପୁଲିସକୁ ଦେଖି ମଦ ମାଫିଆ ମାନେ ଉତ୍ତ୍ୟକ୍ତ ହୋଇ ପଡ଼ିଥିଲେ। ସେମାନଙ୍କ ଉପରେ ଆମ୍ରକଣ କରିଥିଲେ। ମାଫିଆଙ୍କ ଆକ୍ରମଣରେ ଦୁଇ ଏସ୍ଆଇ ଆହତ ହୋଇଥିଲେ। ସେମାନଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସା ପରେ ସେମାନେ ସୁସ୍ଥ ଥିବା ଜଣାପଡ଼ିଛି। ଏହି ଘଟଣାରେ ପୁଲିସ ୪ ଜଣ ମଦ ମାଫିଆଙ୍କୁ ଅଟକ ରଖିଛି।