ସଦର ବିଜେପିର ଇସ୍ତାହାର ଉନ୍ମୋଚନ

ଓଡ଼ିଆ ନ୍ୟୁଜ,(ବ୍ୟୁରୋ): ସଦର ବିଜେପିର ଇସ୍ତାହାର ଉନ୍ମୋଚନ | ବାଲେଶ୍ଵର ସଦର ବିଜେପି ପକ୍ଷରୁ ଇସ୍ତାହାର ଉନ୍ମୋଚନ। ସଦର ବିଧାୟକ ପ୍ରାର୍ଥି ମାନସ ଦତ୍ତ ଓ ସଦର ନିର୍ବାଚନ ମଣ୍ଡଳୀର ଅନ୍ୟ ବରିଷ୍ଠ ନେତା ଇସ୍ତାହାର ଉନ୍ମୋଚନ କରିଛନ୍ତି।

ଏହି ଇସ୍ତାହାରରେ ସଦର ନିର୍ବାଚନ ମଣ୍ଡଳୀର ବିଭିନ୍ନ ଉନ୍ନୟନମୂଳକ ପ୍ରକଳ୍ପକୁ ସ୍ଥାନ ଦିଆଯାଇଛି। ପନ୍ତା ଓ ବଗଦା ବେଳାଭୂମିକୁ ବିଶ୍ବ ସ୍ତରୀୟ ବେଳାଭୂମିରେ ପରିଣତ କରିବା, ଚାନ୍ଦିପୁର ବେଳାଭୂମିର ଉନ୍ନତିକରଣ, ବାଲେଶ୍ଵରରେ କୃଷି ଓ ପ୍ରଯୁକ୍ତିବିଦ୍ୟା ବିଶ୍ବବିଦ୍ୟାଳୟ ପ୍ରତିଷ୍ଠା କରିବା |

କୃଷି ଉତ୍ପାଦିତ ସାମଗ୍ରୀ ଅଭାବୀ ଦୂରୀକରଣ ପାଇଁ ସଦର ବ୍ଲକରେ ଶୀତଳ ଭଣ୍ଡାରର ପ୍ରତିଷ୍ଠା, ସଦର ବ୍ଲକରେ ବ୍ୟାପକ ନିଯୁକ୍ତି ସୃଷ୍ଟି କରିବା ପାଇଁ ଖାଦ୍ୟ ପ୍ରକ୍ରିୟାକରଣ ୟୁନିଟ ସ୍ଥାପନ କରିବା ଆଦି ୧୮ଟି ପ୍ରକଳ୍ପ ଏହି ଇସ୍ତାହାରରେ ରହିଛି। ଯଦି ବିଜେପିର ବିଜୟ ହେଉଛି ଏହି ଇସ୍ତାହାରରେ ସମସ୍ତ ଯୋଜନା କାର୍ଯ୍ୟକାରୀ ହେବ ବୋଲି ବିଜେପି ପକ୍ଷରୁ କୁହାଯାଇଛି।