ଆଲିସାନ ସିନେମା ହଲରେ ଗଣ୍ଡଗୋଳ ଘଟଣାରେ କଣ୍ଟାବାଞ୍ଜି ବିଧାୟକଙ୍କ ପୁଅ ଅମିତ ସିଂ ସାଲୁଜା ସମେତ ୬ ଗିରଫ

ଓଡ଼ିଆ ନ୍ୟୁଜ୍(ବ୍ୟୁରୋ):  କଣ୍ଟାବାଞ୍ଜି ବେଳପଡା ସୀମାରେ ଥିବା ଆଳିସାନ ସିନେମା ହଲ ରେ ଗତ କାଲି ରାତିରେ ବିଧାୟକ ସନ୍ତୋଷ ସିଂ ସାଲୁଜାଙ୍କପୁଅ ସେଜି ସିଂହ ଓରଫ ଅମିତ ସିଂ ସାଲୁଜା ଓ ସିନେମା ହଲର ମାଲିକଙ୍କ ପୁଅ ସହ ଗଣ୍ଡଗୋଳ ହୋଇଥିଲା। ଏପରିକି ସାଲୁଜା ବନ୍ଧୁକ ଦେଖାଇଥିବାଅଭିଯୋଗ ହୋଇଥିବା ଜଣାପଡ଼ିଛି। ପରେ ଖବର ପାଇ ବେଳପଡା ପୋଲିସ ଘଟଣା ସ୍ଥଳରେ ପହଞ୍ଚି ଗଣ୍ଡଗୋଳକୁ ଆୟତ୍ତ କରିବା ସହ କଣ୍ଟାବାଞ୍ଜି ବିଧାୟକଙ୍କ ପୁଅ ଅମିତ ସିଂହ ସାଲୁଜା ସମେତ ୬ ଜଣଙ୍କୁ ବିଳମ୍ବିତ ରାତିରେ ବେଳପଡା ଥାନାକୁ ଆଣି ଏକ ମାମଲା ରୁଜୁ କରିଥିବା ବେଳେ 6 ଜଣଙ୍କୁ ଆଜି ପାଟଣାଗଡ଼ କୋର୍ଟ ଚାଲାଣ କରିଛି।

ଗିରଫ ୬ ଜଣ ହେଲେ କଣ୍ଟାବାଞ୍ଜି ବିଧାୟକଙ୍କ ପୁଅ ଅମିତ ସିଂହ ସାଲୁଜାଓରଫ ସେଜି ଅଜୟ ଅଗ୍ରୱାଲ ବିକାଶ ଅଗ୍ରୱାଲ ବିପୁଳ ମାରୁ ଧର୍ମବୀର ଗୁପ୍ତା ଓ ରାଜପାତ୍ରଙ୍କ ବିରୁଦ୍ଧରେ ଭାରତୀୟ ପିଙ୍ଗଲ କୋଡ଼ର 452/341/343/294/506/307/384/ 395 ସହ ଅସ୍ତ୍ରଶସ୍ତ୍ର ଆଇନ ର 25 /27 ଧାରାରେ ଗିରଫ କରି କୋର୍ଟ ଚାଲାଣ କରିଛି। ତା ସହ ଅମିତ ସିଂହ ସାଲୁଜା ଙ୍କ ସେଜି ଜିମରୁ ୧୯ ଲକ୍ଷ ଟଙ୍କା ନଗଦ ଓ କିଛି ପରିମାଣର ମଦ ଜବତ କରାଯାଇଥିବା ଜଣାପଡିଛି। ଏହି ଘଟଣା ପରେ ପାଟଣାଗଡ଼ ଏସ ଡି ପି ଓ ଙ୍କ ସମେତ ଜିଲ୍ଲାର ସମସ୍ତ ଥାନାର ଅଧିକାରୀ ମାନେ ଉପସ୍ଥିତ ରହିଛନ୍ତି।