ଭାଲେଣ୍ଟାଇନ ନୁହେଁ ବରଂ ସହିଦ ଦିବସ, ପୁଲୱାମାରେ ସହିଦ ଯବାନଙ୍କ ଉଦ୍ଦେଶ୍ୟରେ ଦୀପ ଜାଳିଲା ଏବିଭିପି

ଭୁବନେଶ୍ୱର(ଓଡିଆ ନ୍ୟୁଜ୍): ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଭୁବନେଶ୍ୱର ମହାନଗର ତରଫରୁ ପୁଲୱାମା ସହିଦ ଦିବସ ପାଳନ ହୋଇଛି। ୨୦୧୯ ମସିହା ଫ୍ରେବ୍ରୁଆରୀ ୧୪ରେ ଯେତେବେଳେ ସାରା ବିଶ୍ଵ ପ୍ରେମର ଦିନ ପାଳନ କରୁଥିଲା ସେତେବେଳେ ସନ୍ଧ୍ୟା ୭.୦୦ ଟା ସମୟରେ ଦେଶରେ ଆତଙ୍କବାଦୀମାନେ ଛାତି ଥରିଲା ଭଳି ଘଟଣା ଘଟାଇଥିଲେ ଏହି ଆତଙ୍କବାଦୀ ଆକ୍ରମଣରେ ଦେଶର ବୀର ୪୦ ଯବାନ ସହିଦ ହୋଇଥିଲେ। ଏହି ଦିନକୁ ବିଦ୍ୟାର୍ଥୀ ପରିଷଦ ପୁଲୱାମା ସହିଦ ଦିବସ ରୂପେ ପାଳନ କରେ।

ଆଜି ପୁଲୱାମା ସହିଦ ଦିବସରେ ବିଦ୍ୟାର୍ଥୀ ପରିଷଦର କାର୍ଯ୍ୟକର୍ତ୍ତାମାନେ ଶ୍ରୀରାମ ମନ୍ଦିର ସମ୍ମୁଖରେ “ସହିଦ ଯବାନ ମାନଙ୍କ ପାଇଁ ଦୀପ ଟିଏ” କାର୍ଯ୍ୟକ୍ରମରେ ଅମର ସହିଦ ଜ୍ୟୋତିରେ ୧୭୫ ଦୀପ ପ୍ରଜ୍ବଳନ କରିଥିଲେ। ଏହି କାର୍ଯ୍ୟକ୍ରମରେ ରାଜ୍ୟ ସମ୍ପାଦକ ସୌଭାଗ୍ୟ ମହାନ୍ତି, ମହାନଗର ସମ୍ପାଦକ ପ୍ରିୟ ରଂଜନ ରାଉତ, ମହାନଗର ସହ ସମ୍ପାଦକ ରଜିତ ନାୟକ, SWC ପାୟଲ ସେଠୀ, NEC କବିତା କହଁର, ବର୍ଷାରାଣୀ ଦାସ, ବିକ୍ରମ ଛୋଟରାୟ, ସନ୍ଧ୍ୟାରାଣି ପ୍ରଧାନ ଉପସ୍ଥିତ ଥିଲେ। ସେହିପରି ବିଦ୍ୟାର୍ଥୀ ପରିଷଦ କାର୍ଯ୍ୟକର୍ତ୍ତା ମାନେ ଭୁବନେଶ୍ୱରର ବିଭିନ୍ନ କ୍ୟାମ୍ପସରେ ମଧ୍ୟ ପୁଲୱାମା ସହିଦ ଦିବସ ପାଳନ କରିଥିଲେ।