ରାଜଧାନୀରେ ଚାଞ୍ଚଲ୍ୟ, ଭଡ଼ା ଘରୁ ପୁଣି ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର
ଓଡ଼ିଆ ନ୍ୟୁଜ୍(ବ୍ୟୁରୋ): ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର। ରାଜଧାନୀରେ ଲେଡି ସଫ୍ଟୱେୟାର ଇଂଜିନିୟରଙ୍କ ସନ୍ଦେହଜନକ ମୃତ୍ୟୁ । ଚନ୍ଦ୍ରଶେଖରପୁର ଥାନା ଶୈଳଶ୍ରୀବିହାର ଅଞ୍ଚଳର ଭଡ଼ା ଘରୁ ତାଙ୍କର ମୃତଦେହକୁ ଉଦ୍ଧାର କରାଯାଇଛି ।
ଯୁବତୀଙ୍କ ମୃତଦେହକୁ ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଛି ପୋଲିସ । ମୃତ ଯୁବତୀ ହେଉଛନ୍ତି ଭଦ୍ରକର ଶ୍ଵେତା ଉତ୍କଳ କୁମାରୀ । ମୃତ ଯୁବତୀ ଙ୍କ ପରିବାରଙ୍କୁ ଏ ସଂପର୍କରେ ଜଣାଇଛି ପୋଲିସ । ଯୁବତୀ ଜଣଙ୍କ ଆତ୍ମହତ୍ୟା କରିଛନ୍ତି ନା ତାଙ୍କୁ କିଏ ମାରିକି ଟଙ୍ଗେଇ ଦେଇଛନ୍ତି ତାହା ସ୍ପଷ୍ଟ ହୋଇନି। ମୃତ୍ୟୁ ପଛର କାରଣ ଏପର୍ଯ୍ୟନ୍ତ ବି ଅସ୍ପଷ୍ଟ । ପୋଲିସ୍ର ତଦନ୍ତ ପରେ ସତ୍ୟାସତ୍ୟ ପଦାକୁ ଆସିବ।