ପୁଣି ଦୁର୍ଘଟଣାଗ୍ରସ୍ତ ଆମେରିକାର ୨ ବ୍ଲାକହକ୍ ହେଲିକପ୍ଟର, ୯ ଜଣଙ୍କର ମୃତ

ଓଡ଼ିଆ ନ୍ୟୁଜ୍(ବ୍ୟୁରୋ): ପୁଣି ଦୁର୍ଘଟଣାଗ୍ରସ୍ତ ହୋଇଛି ଆମେରିକାରିକୀୟ ହେଲିକପ୍ଟର । ଆମେରିକାରିକାର ଦୁଇଟି ଅତ୍ୟାଧୁନିକ ହେଲିକପ୍ଟର ବ୍ଲାକହକ୍ କେଣ୍ଟକିରେ ଉଡୁଥିବା ଅବସ୍ଥାରେ ଦୁର୍ଘଟଣାର ଶୀକାର ହୋଇଛି । ପରସ୍ପର ସହ ସାମ୍ନାସାମ୍ନି ଧକ୍କା ହେବାରୁ ଏଭଳି ଭୟଙ୍କର ଦୁର୍ଘଟଣା ଘଟିଥିବା କୁହାଯାଉଛି । ଏହି ଦୁର୍ଘଟଣାରେ ୯ ଜଣ ଯବାନ ସହିଦ ହୋଇଛନ୍ତି ବୋଲି ଆମେରିକାର ସ୍ଥାନୀୟ ଗଣମାଧ୍ୟମ ଏହି ସୂଚନା ଦେଇଛି । ଆମେରିକାର ଜଣେ ସାମରିକ ମୁଖପାତ୍ର କହିଛନ୍ତି ଯେ, କେଣ୍ଟୁକି ଉପରେ ଏକ ନିୟମିତ ପ୍ରଶିକ୍ଷଣ ଅଭିଯାନ ସମୟରେ ଦୁଇଟି ବ୍ଲାକ୍ ହକ୍ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ ୯ ଜଣ ଯବାନ ସହିଦ ହୋଇଛନ୍ତି । ଫୋର୍ଟ କ୍ୟାମ୍ପବେଲର ପବ୍ଲିକ୍ ଆଫେୟାର୍ସ ଅଫିସ୍ କହିଛି ଯେ କ୍ରୁ ମେମ୍ବରମାନେ ୧୦୧ ତମ ଏୟାରବୋର୍ଣ୍ଣ ଡିଭିଜନ ଦ୍ୱାରା ପରିଚାଳିତ ଦୁଇଟି ଏଚ୍ଏଚ୍ -୬୦ ବ୍ଲାକ୍ ହକ୍ ହେଲିକପ୍ଟର ଉଡ଼ାଉଥିଲେ । ବୁଧବାର ବିଳମ୍ବିତ ରାତିରେ କେଣ୍ଟକିର ଟ୍ରିଗ୍ କାଉଣ୍ଟିରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାସ୍ଥଳଠାରୁ ଅଳ୍ପ ଦୂରରେ ରହୁଥିବା ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ଦୁର୍ଘଟଣା ପୂର୍ବରୁ ସେ ଦୁଇଟି ହେଲିକପ୍ଟରକୁ ତାଙ୍କ ଘର ଉପରେ ଉଡୁଥିବା ଦେଖିଥିଲେ। ବ୍ଲାକ୍ ହକ୍ ର ରେଞ୍ଜ୍ ୧,୩୮୧ ମାଇଲ୍ ପର୍ଯ୍ୟନ୍ତ ରହିଥାଏ । ଥରେ ଇନ୍ଧନ ବୋଝେଇ ହେବା ପରେ ଏହା ଶହ ଶହ କିଲୋମିଟର ପର୍ଯ୍ୟନ୍ତ ଉଡ଼ିପାରିବ । ସେମାନଙ୍କର ଉଠାଣ କ୍ଷମତା ମଧ୍ୟ ଭଲ ବୋଲି କୁହାଯାଉଛି । ଆମେରିକୀୟ ସେନା ଦାବି କରିଛି ଯେ ଏହାର ବାହ୍ୟ କାର୍ଗୋ ହୁକ୍ ସାହାଯ୍ୟରେ ବ୍ଲାକ୍ ହକ୍ ୮ ହଜାର  ପାଉଣ୍ଡ ଓଜନର ଜିନିଷ ଉଠାଇପାରିବ।