ବିଜେପିର ସ୍ଥିତି ଧାମନଗରରେ ବହୁତ ଭଲ ଅଛି, ଦିନେ ଦୁଇ ଦିନ ଭିତରେ ପ୍ରାର୍ଥୀ ଘୋଷଣା କରିବ ଦଳ: ଗୋଲକ ମହାପାତ୍ର

ଓଡ଼ିଆ ନ୍ୟୁଜ୍(ବ୍ୟୁରୋ):  ଦିନେ ଦୁଇ ଦିନ ଭିତରେ ପ୍ରାର୍ଥୀ ଘୋଷଣା କରିବ ବିଜେପି । ବିଜେପିର ସ୍ଥିତି ଧାମନଗରରେ ବହୁତ ଭଲ ଅଛି । ବିଜେପି ହିଁ ସେଠାରେ ଜୟଯୁକ୍ତ ହେବ ଏବଂ ପୁଣି ଧାମନଗର ଆସନ ବିଜେପି ହାତକୁ ଫେରିବ । ପୂର୍ବରୁ ଥିବା ଭୋଟ ବ୍ୟବଧାନରୁ ଅଧିକ ଭୋଟରେ ଜିତିବ ବୋଲି ବିଜେପିର ଦାବି । ଧାମନଗରରେ ବିଷ୍ଣୁ ସେଠୀଙ୍କର ଲୋକପ୍ରିୟତା ଥିଲା । ତାଙ୍କ ସୁପୂତ୍ର ସୂର୍ଯ୍ୟବଂଶୀ ସୁରଜ ସେଠୀ ମଧ୍ୟ ବିଷ୍ଣୁ ସେଠୀଙ୍କ ସମୟରେ ବିଭିନ୍ନ କାର୍ଯ୍ୟରେ ଜଡ଼ିତ ଥିଲେ । ତେଣୁ ସେ ମଧ୍ୟ ଧାମନଗର ପାଇଁ ନୂଆ ନୁହନ୍ତି । କାର୍ଯ୍ୟକ୍ରମ ସହ ଏବଂ ଲୋକଙ୍କ ସହ ଅଛନ୍ତି ସୁରଜ । ବିପୁଳ ଜନ ସମର୍ଥନ ମିଳିବ । ବିଜେପି ସେଠାରେ ବିଜୟ ଲାଭ କରିବ ବୋଲି କୌଣସି ସନ୍ଦେହ ନାହିଁ । ଦିନେ ଦୁଇ ଦିନ ଭିତରେ ପ୍ରାର୍ଥୀ ଘୋଷଣା କରିବ ବିଜେପି ।
ଧାମନଗର ଉପନିର୍ବାଚନ ଲଢ଼ିବା ପାଇଁ ବିଜେପି ସମ୍ପୂର୍ଣ୍ଣ ଭାବେ ପ୍ରସ୍ତୁତ ଅଛି । ପ୍ରାର୍ଥୀ ଚୟନ କେନ୍ଦ୍ରୀୟ ସଂସଦୀୟ ବୋର୍ଡ କରିବ । କିନ୍ତୁ ସଙ୍ଗଠନ ପୁରା ଦମରେ ନିର୍ବାଚନ ମଣ୍ଡଳୀରେ କାର୍ଯ୍ୟ ଆରମ୍ଭ କରି ସାରିଛି । ଦଳ ପାଖରେ ପ୍ରାର୍ଥୀ ଓ ସାଙ୍ଗଠନିକ ସ୍ଥିତିକୁ ନେଇ କୌଣସି ସମସ୍ୟା ନାହିଁ । କେବଳ ଦିଲ୍ଲୀରୁ ଔପଚାରିକ ଭାବେ ପ୍ରାର୍ଥୀଙ୍କ ନାମ ଘୋଷଣା ହେବ ।