ସିଏମ୍ ମମତା ବାନାର୍ଜୀ ହେବେ ବିଶ୍ୱବିଦ୍ୟାଳୟର କୁଳପତି; କ୍ୟାବିନେଟ୍ ପ୍ରସ୍ତାବକୁ ଅନୁମୋଦନ କରିଛି

ରାଜ୍ୟପାଳ ଜଗଦୀପ ଧନଖଡଙ୍କ ବଦଳରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ରାଜ୍ୟର ସମସ୍ତ ସରକାରୀ ବିଶ୍ୱବିଦ୍ୟାଳୟର କୁଳପତି ଭାବରେ ବଦଳାଇବା ପ୍ରସ୍ତାବକୁ ପଶ୍ଚିମବଙ୍ଗ କ୍ୟାବିନେଟ ସୋମବାର ଅନୁମୋଦନ ଦେଇଛି। ଏହା ସହିତ ରାଜ୍ୟପାଳଙ୍କୁ ବେସରକାରୀ ବିଶ୍ୱବିଦ୍ୟାଳୟର ‘ପରିଦର୍ଶକ’ ପଦରୁ ହଟାଇବା ଏବଂ ତାଙ୍କ ସ୍ଥାନରେ ରାଜ୍ୟର ଶିକ୍ଷା ମନ୍ତ୍ରୀ ନିଯୁକ୍ତ କରିବାକୁ ଅନ୍ୟ ଏକ ପ୍ରସ୍ତାବକୁ ମଧ୍ୟ ଅନୁମୋଦନ ଦେଇଛନ୍ତି। ଜଣେ ଅଧିକାରୀ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କୁ କୃଷି ଏବଂ ସ୍ୱାସ୍ଥ୍ୟ ବିଶ୍ୱବିଦ୍ୟାଳୟ ସମେତ ସମସ୍ତ ସରକାରୀ ବିଶ୍ୱବିଦ୍ୟାଳୟର କୁଳପତି କରିବା ପାଇଁ କ୍ୟାବିନେଟ୍ ସମ୍ମତି ପ୍ରଦାନ କରିଛି। ଜୁନ୍ ୧୦ ରୁ ବିଧାନସଭାର ମୌସୁମୀ ଅଧିବେଶନରେ ଏହି ପ୍ରସ୍ତାବ ବିଲ୍ ଆକାରରେ ଉପସ୍ଥାପିତ ହେବ।

ଏହି ପ୍ରସ୍ତାବଗୁଡ଼ିକ ରାଜ୍ୟସଭାରେ ବିଲ୍ ଭାବରେ ପାରିତ ହେବା ଆବଶ୍ୟକ ଯେଉଁଠାରେ ଶାସକ ଦଳ ଭାବେ ଟିଏମସିର ସଂଖ୍ୟାଗରିଷ୍ଠତା ରହିଛି ଏବଂ ସେଗୁଡିକ କାର୍ଯ୍ୟକାରୀ ହେବା ପୂର୍ବରୁ ରାଜ୍ୟପାଳଙ୍କ ସହମତି ନିଆଯିବା ଆବଶ୍ୟକ ରହିଛି। ସୂଚନା ଯେ, ୨୬ ମଇରେ ରାଜ୍ୟପାଳ ଧନଖଡଙ୍କୁ ହଟାଇବା ଏବଂ ତାଙ୍କ ସ୍ଥାନରେ ମମତାଙ୍କୁ କୁଳପତି କରିବା ପାଇଁ ରାଜ୍ୟ କ୍ୟାବିନେଟ ଏକ ସଂକଳ୍ପ ପାରିତ କରିଛି।

ବିଶ୍ୱବିଦ୍ୟାଳୟରେ କୁଳପତିଙ୍କ ନିଯୁକ୍ତିକୁ ନେଇ ରାଜ୍ୟ ସରକାର ଏବଂ ରାଜ୍ୟପାଳ ଜଗଦୀପ ଧନଖରଙ୍କ ମଧ୍ୟରେ ଚାଲିଥିବା ବିବାଦ ପରେ ଏହି ପଦକ୍ଷେପ ନିଆଯାଇଛି। ଖବର ଅନୁଯାୟୀ ରାଜ୍ୟପାଳ ଧନଖର ଏହା ପୂର୍ବରୁ ତାଙ୍କ ସହମତି ବିନା ଅନେକ କୁଳପତିଙ୍କୁ ନିଯୁକ୍ତ କରିଥିବା ଅଭିଯୋଗ କରିଥିଲେ।